周潤發上環被捕獲食「窮人恩物」 網民擔心唔夠營養最想知呢樣嘢……

現年68歲嘅影帝「發哥」周潤發向來都好貼地，不時都被影到光顧茶記同街市熟食檔等平價餐廳。日前發哥再次被「捕獲」幫襯「窮人恩物」兩餸飯，相中見到發哥仲引來唔少人圍觀，號召力好強！

同場加映： 黃心穎「安心」挫敗留陰影改自駕 否認爬馬國明頭結婚：可能係淵緣

{{hket:ul-video id="9850"}}{{/hket:ul-video}}

有網民今日於社交平台Facebook群組「香港兩餸飯關注組」發文，稱於上環一間兩餸飯店：「野生捕獲發哥！發哥都去食上環添飯餸呀！」照片見發哥「手指指」，好似外國人「this this」咁點餸，後面仲有一大堆排隊等買，旁邊女店員近距離以手機拍攝，笑到見呀唔見眼！

{{hket:inline-image name="4.jpeg"}}{{/hket:inline-image}}

發哥之後都有做指定動作，同一眾店員自拍，店員們個個都笑容可掬，畫面好和諧！唔少網民都話呢個係飯店嘅最佳廣告，要撞到發哥話難唔難，話易唔易，大家都好羨慕在場人士！又大讚發哥係史上最貼地巨星，留言：「除咗發哥，其他大明星真係唔會食兩餸飯。」、「發哥真心正呀。」、「我都成日去買兩餸飯，點解我仲未野生捕獲發哥㗎？」、「可能幾好食，所以發哥也幫襯。」、「發哥有冇咁貼地呀，哈哈！愛死發哥啦！」

而網民最關心嘅，就係到底平日咁健康嘅發哥，會揀啲咩餸：「發哥點咗咩餸呀？」不過竟然有人擔心發哥食兩餸飯會「唔夠營養」，但就被其他人反駁：「都係家常餸，同食住家飯差唔多，只係唔係自己煮，點解會唔夠營養？如果覺得材料可能冇咁靚，咁都只係味道質感嘅分別，營養應該係冇分別嗰喎。最多係自己唔識揀餸，營養唔夠均衡。」

圖片來源：Facebook