金手指│梁朝偉有包袱與後輩合作大壓力 珍惜同劉嘉玲相處時光也愛獨處

梁朝偉、劉德華這對老朋友主演的新戲《金手指》即將上映，今次電影內選用了不少後輩演員合作。日前，偉仔跟有份主演的陳家樂、白只和岑珈其宣傳電影接受訪問，後輩們都表示緊張，就連經驗老到的偉仔都笑謂拍攝時壓力很大，令人意想不到。

同場加映：黃心穎「安心」挫敗留陰影改自駕 否認爬馬國明頭結婚：可能係淵緣

{{hket:ul-video id="9850"}}{{/hket:ul-video}}

{{hket:inline-image name="024.jpeg"}}{{/hket:inline-image}}

{{hket:inline-image name="DSC03151.jpg"}}{{/hket:inline-image}}

新戲《金手指》故事背景，以80年代佳寧集團發跡到最後被廉政公署調查的真實事件作藍本。劉啟源（劉德華飾）為廉署高級調查主任，花了10多年時間、甚至全家惹來殺身之禍，但仍然堅持搜集程一言（梁朝偉飾）的犯眾證據，找出幕後黑手，務求將所有人成之於法。

{{hket:inline-image name="1_1024.jpg"}}{{/hket:inline-image}}

{{hket:inline-image name="404765538_273635949021938_7504426036156194485_n.jpg"}}{{/hket:inline-image}}

{{hket:inline-image name="05680.jpeg"}}{{/hket:inline-image}}

梁朝偉現身《晴朗》令林海峰變痴漢 社恐影帝吸引商台員工提早返工集郵【下一頁】

梁朝偉王菲《重慶森林》30年ReU 紅粉緋緋「天然組合」靚樣永不過期【下一頁】

在宣傳片中見到，偉仔由打扮到行為動作都甚為誇張，已經十分吸睛。角色雖然取材自集團創辦人陳松青，拍攝前偉仔都有先了解原形人物特性，他說：「原形人物好神秘冇乜相作參考，聽講佢為人好幽默，但劇本唔會有太多幽默對白，所以好多嘢我要天馬行空創作。身體語言為咗令大家有新鮮感都花唔少功夫。我成日覺得造型令演員投入到角色，試造型時，文念中（造型總監）做得好好，試咗好多套衫，有用假髮、真髮，試咗3段戲，最後搵埋金絲眼鏡，就好配合套戲。」

{{hket:inline-image name="409702491_282291121489754_3686869965344398176_n.jpg"}}{{/hket:inline-image}}

{{hket:inline-image name="EC5_1024.jpg"}}{{/hket:inline-image}}

海報中程一言意氣風發地笑，同時亦引來網民談論，覺得笑容背後是否隱藏莫大的詭計，如此張狂的笑容，偉仔片場好快就找到最適合的演繹。不過，戲中要講閩南語，反而有點難到他：「現場學好難，講極講唔到，好困難，現場我做唔到，唔好話係NG，有時我都唔知講乜，唔知講咗閩南話定泰文，最後我要喺配音配番。」

{{hket:inline-image name="3_600.jpg"}}{{/hket:inline-image}}

{{hket:inline-image name="0425-DSC06202_1.jpg"}}{{/hket:inline-image}}

今次偉仔跟很多新一代演員合作，陳家樂、白只和岑珈其多對手戲，三人飾演的角色跟程一言搵大錢，他們表示與偉仔對戲都自然有壓力，陳家樂飾演一個富豪二代，他說初次在片場見偉仔的難忘感受：「第一場戲見梁生，我要好近佢塊面講嘢，試戲嗰陣分手，我太集中望住佢面部，好似如睇戲，跟住要立即調整心情自己係演戲中。」

{{hket:inline-image name="DSC03155.jpg"}}{{/hket:inline-image}}

{{hket:inline-image name="carinalau1208_1703130399_3262416704731077493_723494209.jpg"}}{{/hket:inline-image}}

白只表示怕做得不好NG，連累其他人：「真係好驚做得唔好，要自我催眠冇嘢、OK嘅，開始拍時再催眠自己，用小偷心態偷師。」岑珈其的角色十分仰慕程一言，他笑言可以明目張膽以這樣的眼光望偉仔。就連偉仔都不禁失笑：「聽到佢哋個個都話緊張，搞到我都好大壓力，自己要更加準備好啲。以前演戲冇包袱，但而家做咁多年就越來越有壓力。」

有料的人多謙虛，無數人眼中的影帝，很多作品都成為香港人喜歡的經典作品，就如劇集《新紮師兄》近日再次於深夜時段重播，不過偉仔自謙怕重看自己的演出：「幾點播？係咪好夜做嘅？12點幾…我瞓咗冇睇喇。我好怕睇番以前嘅演出，成日搵到自己做得唔好地方，相信如果睇番《新》，相隔咁多年，自己一定好幼稚、幼嫩，應該係同年紀有關，經歷得咁經驗做成。」不過回想以前拍劇的日子是很開心的，一班演員長時間合作，相處有如一家人，所以早前他接受訪問，也表達過想再次拍劇，重新感受拍劇的日與夜。

{{hket:inline-image name="carinalau1208_1699113968_3228724440550711697_723494209.jpg"}}{{/hket:inline-image}}

{{hket:inline-image name="carinalau1208_1701181922_3246071694609437357_723494209.jpg"}}{{/hket:inline-image}}

程一言一角，財技了得，現實生活中的偉仔，投資方面坦言選擇較穩陣、置業、基金等風險低的投資方案。而且他生活上都愛以簡單為主：「呢個年紀更珍惜每一日多啲，做自己鍾意做嘅嘢，做少啲自己唔想做嘅，唔知係咪過六十歲嘅人係咁。我個人好悶，平淡，簡單，個人輕鬆冇咁大壓力，平時自己整吓嘢食。」他亦更珍惜與劉嘉玲相處的時候，一起行山去玩，但笑謂同時也喜歡獨處，有一半時間自己去做運動、出海玩帆船。

{{hket:inline-image name="000.jpg"}}{{/hket:inline-image}}

生活上簡單，則想在電影上尋求精彩：「每次演戲角色都唔一樣，都會學新嘢，唔使好似一般工作，好似Barbie咁刻板，做戲多姿多彩得多，之後拍一套戲會做一個腦神經科學家，而家就睇緊相關書，細個點會諗到自己會睇呢啲書。」

拍戲其實也是偉仔與朋友聚頭的好機會，今次跟老拍檔劉德華做戲，回憶滿滿。二人早於電視台做演員時，與湯鎮業、黃日華和苗僑偉被捧為「五虎將」，又一起拍《鹿鼎記》，自然好有默契。繼電影《無間道》碰頭於天台對決，相隔18年後再次攜手合作，偉仔都覺得默契仍在：「我覺得無論由個人至技術上，都有好大唔同，好大進步，感覺到佢多咗人生閱歷，表情都豐富好多。」在電影上二人都是兵捉賊對決，偉仔希望將來再合作時，可以同一陣線做拍檔。

撰文：王連連

攝影：何家賢

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

化妝：Candy Law（梁朝偉）、Khaki Yan（陳家樂）

髮型：Kenrick Siu（陳家樂）

化妝：Khaki Yan（陳家樂）

服裝：@sandroparis（陳家樂）

場地：The Crown@灣仔英皇駿景酒店