法與情｜岑珈其芯駖歡喜冤家緩和氣氛 形象突出難免被定型：做白紙最好

岑珈其和李芯駖首次合作，在ViuTV劇集《法與情》中分別飾演謝安琪身邊的師爺和律師助手，珈其強調兩人歡喜冤家的對立關係，在沉重的法庭故事中扮演緩和氣氛的作用。珈其和芯駖分別有搞笑諧星和偶像女團的既定形象，在演戲方面難免會有一定的框框限制，不過會盡力成為「白紙」，爭取更多演不同角色的機會，發揮所長得到大家認同。

同場加映：中年好聲音2丨鄭梓浩感激軟硬天師令名字被記住 嘆移民不好受：中年追夢無悔人生

{{hket:ul-video id="9876"}}{{/hket:ul-video}}

岑珈其爆囝囝Trouble 2𦧲地失控 為兒子樹立好榜樣控制情緒【下一頁】

{{hket:inline-image name="photo-23.JPG"}}{{/hket:inline-image}}

{{hket:inline-image name="photo.JPG"}}{{/hket:inline-image}}

{{hket:inline-image name="photo-18.JPG"}}{{/hket:inline-image}}

在劇中Benni（岑珈其飾）和Suki（李芯駖飾）是大律師Angel律師行的師爺和助手，兩人經常鬥嘴成為歡喜冤家，珈其表示：「因為好多個案都比較沉重，所以我本身角色都係搞吓氣氛咁。暗地裡有交代我係鍾意Suki嘅，呢個係前設，但編劇冇刻意去寫呢段感情線，大家少少曖昧咁囉！（發揮唔大？）還好，每個角色都有佢嘅崗位，導演當初搵我，都係想搞笑同做個氣氛擔當。」演戲經歷較多的他大讚芯駖的表現，「完全唔覺得佢係新人嘅感覺，好叻女，可能有天份，加上做好多準備功夫，唔覺得佢緊張，冇甩對白又冇驚鏡頭，第一次擔正呢個角色，真係好叻女！」

{{hket:inline-image name="photo-10.JPG"}}{{/hket:inline-image}}

{{hket:inline-image name="photo-12.JPG"}}{{/hket:inline-image}}

{{hket:inline-image name="photo-6.JPG"}}{{/hket:inline-image}}

芯駖笑言劇中很愛謝安琪，視對方為榜樣，就算有專業資格都留守謝安琪的身邊，不去做律師。她表示有幾場喊戲都甚高難度，「第一次演戲有咁多戲份，而且先後要表達唔同程度嘅喊戲，大多數我都係靠音樂進入個氣氛，因為我好容易受聲音影響，好多人講嘢時，我好易分心，所以喺片場聽住音樂，臨拍攝前都困埋自己準備。」她坦言最開心是跟不同的前輩演員有交流，見識很多。

岑珈其在劇中經常「鬥嘴」所愛的人，是否追女仔絕招？他笑言：「現實生活真係咁追我太太，同佢鬥嘴引佢注意囉！我唔係覺得呢一招係Work，我係淨係識呢一招，我唔叻追女仔呀！真係唔識，只係搵辦法同佢接觸多啲，起碼都留下深刻印象先，講真所謂鬥嘴，其實都係想𠱁對方笑。」芯駖認為尋找另一半，幽默感非常重要，但她比較在乎內在三觀是否合適。

望月│陳湛文首次飾演人夫教芯駖做戲 李麗珍開拍前傷腳幸得導演遷就【下一頁】

岑珈其和芯駖雖然經常亮相ViuTV的劇集或者綜藝，但身分大不同，他們坦言形象難免被定型，成為做好演員的小小絆腳石。珈其說：「拍《膠戰》令好多未認識我嘅人就定咗型，覺得我淨係識搞笑，我唔需要洗底，但你問我一定想試下唔同角色，作為演員想不停玩多啲，但你冇得特定要求，有人搵你搞笑，覺得你搞到笑。但我本身對喜劇要求太高，我偶像係周星馳，點成為到佢？喜劇標準喺佢呢度，真係好難做得好，不過多謝導演畀機會我試，我想演多啲正劇，不過好難強求，我冇理由話今日開始唔再接喜劇，因為要食飯，慢慢嚟，張家輝都係化骨龍轉變做正戲，要經時間洗禮。」

至於芯駖表示：「組合都一樣有定型問題，因為女團同演員本身有衝突，演員最好係一張白紙，唔會留下既定印象，但做歌手或者偶像女團就相反，係想人認得你！作為演員初哥，當然咩角色都想試，唔靚女都可以。」身旁的珈其即時窒對方：「你本身靚就梗係冇所謂啦，我想演靚仔啦，冇呀嘛，你靚女梗係咁講！」兩人異口同聲希望觀眾睇得開心，在睇劇的過程中看不出是岑珈其或者芯駖，就已經非常滿足。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

攝影：陳健珊
撰文：楊安莉