丁子朗、黃奕斌（Hugo）和冼靖峰（Archie）有份參加TVB正在播映的節目《亞洲超星團》比賽，他們早前往內地，跟65位來自內地、香港、澳門、台灣、日本及韓國等地的超星練習生在節目中施展渾身解數，爭取成為男團一員。誰勝誰敗未有分曉，而且3人比賽初期受好多負評，大家都認為在「噓聲」中成長，反而獲益良多。
同場加映：黃心穎「安心」挫敗留陰影改自駕 否認爬馬國明頭結婚：可能係淵緣：唔好重蹈覆轍
3人中黃奕斌和冼靖峰都曾經參加《聲夢傳奇》比賽，在唱歌方面會較得心應手，相反丁子朗是參加《香港先生》入行，隨後分配拍劇，跳、唱都不擅長。加上丁子朗是眾參賽者中，年紀最大的一個，他承認最初參加，就連公司人都不看好，勸籲他要三思：「真係好大挑戰，我對唱歌、跳舞冇概念，到參加比賽初，覺得好困難、無力，身體機能完全達唔到，跳舞動作都連接唔到，明明隔籬嘅人跳得好好睇，好氣餒。」他曾經致電回港給母親，無奈問是否做錯決定參賽，經過安撫，再加上自己好勝心，就頂硬上，慢慢由基本功做起。
亞洲超星團｜三位練習生施展「禮貌腳」遷就鏡頭 文佐匡Sean全程紥馬 身高與曾志偉「睇齊」【下一頁】
亞洲超星團丨丁子朗冼靖峰直播動靜對話勁曖昧 粉絲爆十指緊扣日日見仲掛住對方【下一頁】
黃奕斌和冼靖峰在內地比賽期間，試過生病又受傷，患難中找到朋友，黃奕斌最感激其他參賽者幫忙：「有次跳舞骨折受傷，我冇諗到有其他選手拎住短腳支架畀我用，仲要教我點用。又試過半夜唔舒服，寧浩然（Neil）、黃星綽（Hugo）周圍幫我搵工作人員救我，嗰下真係好感動 。」丁子朗最感動比賽初，王東晨（DC）已指導自己：「佢教我彈琴唱歌，呢啲係人哋自己必殺技，其實冇必要教我，真係好多謝佢。」
節目播出初期，3個人的表現未見突出，由他們的化妝、打扮到表演都被網民狠批，丁子朗完全接受意見，而且越講越興奮：「第一次染完髮，都嚇親自己，我都唔慣，明白觀眾都一樣唔會慣。有啲觀眾覺得化妝好白，其實係團隊想幫我哋試緊邊個形象啱我哋，而且要配合個表演先咁做。佢哋批評完我睇番，又可能真係白咗啲喎，咁又改變吓。其實佢哋嘅留言我有睇晒，反而我覺得好似多咗一班造型師幫我，試過有次影相，有個網民覺得唔好睇，佢直情幫我P圖加件褸畀我，又整番我膚色深啲，呢啲唔係抨擊，係提意同埋幫緊我，我好接納意見㗎。」
黃奕斌自言接受能力較高，而且都好想多試不同的造型，他說：「如果啱嗰個表演主題風格就OK，有一Round公演我要化更黑嘅膚色。我覺得審美每個人都唔同，黑啲白啲冇所謂，啱表演就得。就算要我好似其中一個選手愛合有長髮嘅造型，我都可以接受，只要唔好令觀眾唔舒服。」冼靖峰同樣覺得可以試不同的造型，現時都在探索階段：「每次我哋表演都會有唔同嘅造型，喺節目入面都試咗好多個，我都想試吓留長頭髮。」
在決賽前，3人都把握機會將勤補拙加緊練習，不用工作的時候，除了會健身室做運動外，還要練舞和學唱歌，丁子朗更獲汪明荃協助，他說：「汪阿姐真係好緊張我，佢主動搵埋跳舞老師畀我。就算香港參賽者中，排名較高的冼靖峰都不敢怠慢：「今次學識到逆境智商有幾多，同自己講冇退路就唔會妥協，舞台上同生活上、行業上有啲嘢唔妥協，堅持去做。」
撰文：王連連
攝影：何家賢
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】