新聞女王｜林景程奇蹟甦醒演活「有口難言」 獲讚手指都有戲：物理治療知識大派用場

TVB台慶劇《新聞女王》昨日一集講述當年在賊王案頭部中槍的警察梁偉強（林景程飾）原來並未死亡，更於十年後奇蹟地甦醒，Man姐（佘詩曼飾）因而被邀請前往警署助查。

同場加映：新聞女王丨李施嬅被斷錯症眼睛開手術後回不去 無奈接受被嘲整容：打坐學感恩

{{hket:ul-video id="9796"}}{{/hket:ul-video}}

梁Sir甦醒雖然令Man姐終能釋懷，但同時亦成為佐治（馬國明飾）打擊Man姐最強武器，他先漠視梁 Sir 意願以連串引導性問題引導對方講出對 Man 姐不利的一句：「我行唔到，精神差，講唔到嘢」，再將Man姐當年在賊王事件中極具爭議性的一句說話：「記者唔應該介入現場，報導先至獨立客觀」一併在新聞時段播出，擺明帶領對 Man 姐不利風向…事件曝光後，Man 姐人間蒸發，佐治則找來陳子傑（譚俊彥飾）務求挖出進一步對 Man 姐不利材料…

{{hket:inline-image name="786788.jpg"}}{{/hket:inline-image}}

{{hket:inline-image name="78.jpg"}}{{/hket:inline-image}}

林景程在劇中飾演警員，雖然他戲份不多，但角色十分重要。身為物理治療師的林景程接受《晴報》訪問時指自己事前做了不少資料搜集，如參考中風病人嘅說話模式、設計手腳屈曲等形體動態。林景程指呢個角色因為嘴部肌肉協調唔到，講嘢要好費力，要好大力谷個字出嚟。「講嘢方面都練咗好耐，參考咗一啲中風病人嘅說話模式，盡量令自己習慣果把聲同節奏。」

{{hket:inline-image name="786.jpg"}}{{/hket:inline-image}}

{{hket:inline-image name="03a.jpg"}}{{/hket:inline-image}}

有網民留意到林景程連手指都有戲，他指因為自己角色郁唔到，所以主要靠面部表情、眼神及聲線去表達，另外亦有演出手指屈曲的情況：「物理治療嘅知識大派用場，因為了解相關醫療知識，中過槍多年後奇蹟醒返，難免會有肢體問題，自己會比較容易去設計手腳屈曲等形體動態 。」

{{hket:inline-image name="9797.jpeg"}}{{/hket:inline-image}}

而提到滄桑的形象，他就指要多謝化妝師，「因為同期有其他劇集拍攝，唔可以染白頭髮，佢哋每次都要花個幾鐘逐條頭髮畫白，不過好值得，我覺得效果好好 。」

提到林景程今年在《新四十二章》及《羅密歐與祝英台》都是演喜劇角色，今次在劇中演這類角色，他直言係突破。「始終呢類型角色其實唔多，有得演對我黎講已經係挑戰，《女王》今次仲要化到咁滄桑，化完個妝，望住塊鏡，嘩！原來可以搞到自己咁架！好似見到一個完全唔同嘅自己，我覺得都係一個突破。」

不過他又指梁sir的角色絕非慘情，「「其實我覺得梁sir唔慘得晒嘅，佢遇到槍傷昏迷，應該已經歷咗好多手術添，醒番依然出入醫院不放棄復康，佢嘅遭遇係慘，但佢嘅人生觀係正面。」

{{hket:inline-image name="897.jpg"}}{{/hket:inline-image}}

今晚，梁 Sir 將與 Man 姐有一場極重要場口，事緣梁 Sir 約 Man 姐飲茶，Man 趁機真誠致歉之餘並遞上支票希望予以補償：「我一個錯誤決定搞成你咁樣。」梁Sir 回應的一番話則淚點爆燈：「我約你唔係要賠償，我要接受現實，冇得怪人。我昏迷咗，但我知你成日探我，追唔番就向前望，我昏迷十年，你十年瞓唔著，計落都算打和。」

談到相關場口，景程直指對Man姐佩服得五體投地，除為幫助對方畀足戲外，更是對情緒掌握揮灑自如：「以我嘅程度係覺得拍喊戲係好難去 hold 個感情 hold 得好耐，但 Man 姐係 hold 得耐得嚟又好完美。呢場戲係拍咗我先，Man 姐雖然只係鏡頭後幫手畀戲，但我一路講對白都一路見到佢含晒淚光、差唔多喊出嚟咁。咁我當時就即刻盡快做好自己嗰 Part，等大家快啲轉機位拍 Man 姐，而 Man 姐正式演時佢嘅眼淚情緒比之前更加有、更加靚！我覺得真係好犀利，呢場戲 Man 姐係一 take 過，好開心同有幸可以同咁頂級嘅演員對到一場戲，見識到一個頂級演員係可以咁樣將個情緒去運用。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：大會提供