今年12月係婚慶好月，唔少人都揀今個月拉埋天窗，就算早一年Book酒席都未必訂到！有幾對藝人都係今個月拉埋天窗，其中兩pair都選擇去外地圓婚，何依婷仲大讚外地結婚好處多，佢嘅婚禮除咗有夢幻馬車，仲同來賓大玩放煙花！何依婷圓婚嘅峇里仲係熱門勝地，以下我哋一齊睇下有邊幾對藝人都喺當地完婚！
同場加映：黃心穎「安心」挫敗留陰影改自駕 否認爬馬國明頭結婚：可能係淵緣 ：唔好重蹈覆轍
朱千雪峇里婚禮雖然冇鋪張，但都邀請咗TVB一班好姊妹出席，包括岑杏賢、張嘉兒、湯洛雯、蔣家旻、李雪瑩、劉倩婷，而大家都只係以好姊妹身份現身，而非姊妹團！千雪唔想增加大家負擔，所以放棄姊妹團令大家可更享受婚禮，姊妹們可自行決定打扮款式。朱千雪同Justin由細玩到大，千雪爸爸豪畀千萬嫁妝，男家送贈半億物業予小倆口，但千雪亦冇大排筵席，反而去到外地低調成婚。
賭王千金何超蓮大喜之日成功為自己同賓客打造一個難忘婚禮，而竇驍亦有事事親力親為，包括親自參與整個婚禮籌備過程，從場地選址、設計主題、內容構思到音樂選擇等細節，務求為妻子帶來最大驚喜，婚禮於峇里島烏魯瓦圖六善酒店舉辦，婚禮場地用上大量花草布置、鮮花及水晶裝飾，水晶燈及三角鋼琴等。婚禮場地「海天一色」以融入大自然為主，據知世紀婚禮豪使半億！
鄭嘉穎同陳凱琳（Grace）2018年於印尼峇里的Bvlgari Resort Bali The CHAPEL舉行婚禮。二人早上跟足傳統接新娘，向雙方家長進行斟茶儀式。二人圈中好友馬國明、唐詩詠、黃智賢、林子善、唐文龍、曹永廉、陳嘉寶（Anjaylia）、黃嘉樂及黎耀祥夫婦等都飛往峇里觀禮。鄭嘉穎表示感謝親友遠道而來，並透露因親友都好忙，所以其實早喺3、4個月前已通知佢哋參加婚禮。
楊冪和劉愷威拍拖兩年後修成正果，於峇里島的寶格麗度假酒店舉辦婚禮。婚禮只少數親友參加，二人當年婚禮次日便要飛回國內。寶格麗渡假別墅建於海岸旁 150 公尺高的懸崖頂，有東方熱帶天堂美名，建築物結合自然美景和清雅的當代設計，設計風格融合峇里島傳統藝術和意大利品味。