李蘊遇「失散姊妹」童顏羅毓儀 12歲入行轉眼廿年：妹妹青春好多

無綫小花羅毓儀（Yuki Law）除咗拍劇之外仲進軍樂壇，27歲嘅佢童顏外表依然似中學生，可愛嘅佢仲有8級電子結他水準，反差萌充滿驚喜，前途無限。日前佢就得到一位娛圈前輩加持，呢位前輩雖然入行早過佢好多年，不過都係大佢少少，話佢哋係攣生姊妹都不為過！

同場加映： 新聞女王丨李施嬅被斷錯症眼睛開手術後回不去 無奈接受被嘲整容：靠打坐學感恩

{{hket:ul-video id="9796"}}{{/hket:ul-video}}

日前李蘊post出story，片中佢喺人來人往嘅街頭影住一個同佢好相似嘅少女，而原來對方就係羅毓儀，李蘊留言：「哈哈哈哈哈哈，唔好話人「翻版」啦，呢個妹妹青春好多，nice to meet you！」二人合照時都笑得非常燦爛，一時間，兩個都眼大大，分唔清邊個打邊個！

羅毓儀於無綫第30期電視藝員訓練班畢業，本身夾Band嘅佢唱得又演得，除咗喺《愛．回家之開心速遞》飾演「路小小」外，又於《下流上車族》中飾演林敏驄仲係中學生嘅女兒，可愛童顏加埋討喜演技，一啲都唔違和，大受網民喜愛，Yuki今年仲正式簽約成為「TMG （TVB Music Group）」旗下歌手，前途無可限量。

{{hket:inline-image name="407005738_18406163155030528_7054213888774358266_n.jpg"}}{{/hket:inline-image}}

李蘊可以話係羅毓儀樂壇前輩，2003年參加商場舉辦的歌唱比賽「新星新人類」獲得殿軍，並與陳曉彤（Hilda）及盧嘉寶（Carpo）組成三人少女組合Cream，展開其演藝旅途。2007年李蘊作個人發展，後因應付中學會考而暫停歌唱及演藝工作。2009年，李蘊以個人身分重返樂壇且成為女新人。2010年7月，李蘊推出首本個人寫真集《李蘊Renee》及隨書附送EP《90後天空》，並於書展中發售，書展總銷量超逾14,000本。

2012年11月李蘊與渣打銀行廣州分行中小企任理財業務主管羅章冠拍拖報導，2016年李蘊公布結婚，而二人早已2015年6月8日於廣州註冊，2016年1月3日才於男方家鄉海南島補擺喜酒。李蘊同年於香港產下女兒羅紫晞，兩年後產下兒子羅明新。近年李蘊都係過少奶奶生活，不過今年開始多咗出席番公開活動，仲同好友何超蓮以及G.E.M上內地節目，身為兩孩之母身形都仲KEEP得好好！

圖片來源：Instagram