原告變被告｜港女跌手機疑被盜報警反變被告 遭疑犯索償$7200

原告反變被告！TVB節目《東張西望》日前一集報道，一名女子去年凌晨跌了手機，閉路電視畫面顯示被一名男子拾起，報警後卻未能成功起訴對方，反遭對方入稟小額錢債審裁處索償7,251元，「原告變被告」令她怒斥荒謬。

同場加映：
管家王｜達人拆解3大窗戶滲水急救法效用 包垃圾袋、黐防水膠條、自行搽防水物料【附維修貼士】

{{hket:ul-video id="9794"}}{{/hket:ul-video}}

高空擲物｜健明邨狂徒狂掟碗碟廚餘落街，房署終靠1招緝兇：已終止租約，詳情即睇：【下一頁】

事主馬小姐去年4月16日凌晨放工離開公司，途經葵涌一幢工業大廈時，因有蟑螂出現而不慎跌了手機，她因為驚慌未有立即拾回，而是衝到對面坐巴士，上車後才想起自己遺下手機。她馬上打電話，但發現經已關機。她事後向附近大廈公司索取閉路電視畫面，發現她跌下手機後1分鐘，就有一名男子疑似拾起手機，並走到閉路電視盲點處，

「完全影唔到有啲咩動作，大概幾廿秒之後佢就咁樣轉個彎出返嚟，見番部CCTV，當時佢手上面已經冇咗個電話，但見到佢拎住個背囊，跟住就喺度閂背囊嘅動作。」

事發後5天重遇

馬小姐懷疑該男子拾遺不報於是報警，未料在事發後5天，她在同一時段和位置遇到李姓疑犯，便上前問對方可否出錢向他買回手機，她形容疑犯似是認得她，「所以佢擰轉頭不停咁望我，唔知係身有屎定係點樣，佢一見到我行上前追佢，佢就一路跑」。

兩人在街頭展開追逐，期間馬小姐一直拍攝著對方，二人隨後在公園對峙並互拍對方，該男子或因馬小姐死纏爛打而氣憤，行徑十分鬼祟，又作出類似「𠝹頸」的動作令她感到受威脅，甚至稱「再追就殺咗你」。

↓ 點 擊 圖 片 放 大 ↓

直至5個月後、即去年9月，馬小姐再次遇到疑犯，她決定即場報警，警方到場將他拘捕，原以為事件告一段落，未料今年9月初收到小額錢債審裁處的信件，上面寫有她和一個陌生人的名字和地址，向她索償7,000多元，內容日期是去年4月16日，從而估計是疑犯向她索償。

疑犯索償7,251元

疑犯解釋指針對馬小姐遺失手機一事，警方未有向他追究，「即由頭到尾都唔關我事啦，只不過我喺街踢到啲嘢，我只係執返嚟睇吓，咁我睇完之後覺得嗰部電話唔係我，我咪踢返落地下」。對於向馬小姐索償，他自稱是水電工，時薪100元，形容案件令他被扣留警署16小時，之後要來回警署8次續保，共花了48小時，加上花8小時到小額錢債審裁處入稟，令他合共72小時無法開工，另加上來回車費、影印文件、傳真和電話費等合共51元，故向馬小姐索償7,251元。

馬小姐由原告變被告，對方甚至知道其住處和上班地點，她因驚恐被迫辭職，「我好驚佢對我有啲咩不利，或者點樣傷害我屋企人，我根本冇辦法防備佢」。原來據個人資料私隱條例，被告人可取得原告人個人資料，包括受害人的口供，當中包括其年齡、地址、聯絡電話等。

疑犯解釋當時情況

節目主持其後上門找到疑犯，他解釋當時路面漆黑，因「踢咗嘢」以為自己掉了物品，「我發覺嗰個係電話，咁我咪行啲光啲地方睇係咪我跌咗嘢，我發覺嗰樣嘢唔係我嘅，咁我咪掉返落地下咪走」。他指馬小姐從後追著他，形容她當時情緒激動，像個「傻咗嘅人」，但否認有恐嚇對方，

「呢個世界由頭到尾都係佢自己一個人唔見電話，我只不過經過，你有冇見過我袋咗落袋？有冇影到？冇你就唔好咁多嘢講。有冇人叫我入去坐監呀？冇咁你馬小姐講咁多嘢做乜啫。」

對此，馬小姐明白遺失手機是其責任，但不解疑犯當初為何未有把手機放回原處和作出解釋，質疑對方「身有屎」，「我覺得成單case都好諷刺、好荒謬，但佢真係發生喺社會、發生喺我身上」。而案件關鍵是閉路電視有否拍到疑犯將手機據為己有，但法團拒絕交出畫面，警方回覆馬小姐指，由於案件考慮到控告盜竊和恐嚇，故連同申請閉路電視的要求，一併交由律政司審視。

針對案件，大律師陸偉雄表示，馬小姐一開頭在閉路電視畫面看到疑犯拾起手機，並非含血噴人，現在警方只是證據不足而撤控，在此基礎下，李先生控告馬小姐的理據並不夠強。

公屋漏水｜失明婦屯門公屋漏水3年樓下兩戶受害，屬自置單位拒開門房署難處理，詳情即睇：【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】