楊茜堯兩歲細仔大眼複製爸爸 女網民大讚羅子溢基因：老公很重要

楊茜堯（前名：楊怡）與羅子溢（前名：羅仲謙）同2016年結婚，婚後育有一對可愛子女，非常幸福。日前係二人細仔Eden2歲生日，楊茜堯就Post出慶生全家福，而大家都將焦點放晒喺兩個小朋友嘅顏值上面。

同場加映：新聞女王丨李施嬅被斷錯症眼睛開手術後回不去 無奈接受被嘲整容：靠打坐學感恩

{{hket:ul-video id="9796"}}{{/hket:ul-video}}

楊茜堯雖然係主要照顧者，不過父母見小朋友時間點會嫌多，楊茜堯不禁有感而發：「寶貝仔，你長大得好快，一下子就2歲了，但媽媽還未抱夠你，你和家姐已急不及待地長大了，現在的你，我抱得有點吃力，但媽媽還是喜歡抱着你，雖然你已不斷推開我 。你今年生日，媽媽要工作，未能陪你渡過，只能簡單地和你慶祝，希望你每一天都開心快樂，健健康康我們每一個都很愛你Happy birthday。」相中見到家姐小珍珠都好錫細佬，對佢又攬又錫，姊弟感情勁好。

{{hket:inline-image name="412123579_3521623791389139_4458313068121534729_n.jpg"}}{{/hket:inline-image}}

楊茜堯為囝囝準備咗喺小朋友界仲係好hit嘅baby shark蛋糕，仲話Eden笑容同佢好似樣添。不過點似都唔夠爸爸咁似，Eden雙眼仔又大又圓，連鼻形同埋嘟嘟形嘅嘴仔都似足爸爸，真係離開十萬九千里都唔會失散。

唔少網民都好羨慕兩個小朋友都遺傳到父母良好基因，留言：「讓我明白一點，要找個帥氣老公真的很重要。尤其是要眼睛好看的，兩個孩子都是爸爸基因強大。」、「心心好似爸爸好靚女呀。」、「完美基因傳承，小朋友都好靚。」

圖片來源：Instagram