朱智賢重提3年前出軌被批永不超生 考驗與謝東閔感情：感謝佢一直陪伴

近日TVB爆幕前離巢潮，當中包括2013年參選港姐入行的朱智賢（Ashley），早前10月宣佈約滿回復自由身。朱智賢近日接受商台《星光背後》專訪，分享她離巢前只花了三星期便決定跳出舒適圈的心路歷程、亦剖白2020年爆出負面新聞後曾前路茫茫、幸得男友謝東閔鼓勵重新振作的經過。

同場加映：新聞女王丨何依婷輿論聲中學會自我肯定 拒婚姻綑綁：最重要搵到內心平靜

{{hket:ul-video id="9746"}}{{/hket:ul-video}}

朱智賢為蘇韻姿暫托愛犬出晒事 狗狗咬爛包裹再發惡向主人索賠償【下一頁】

Ashley在10月約滿TVB後宣佈離巢，她表示：「其實都真係幾突然，因為我一路都冇plan過要離開！」她透露花了三星期考慮離開，「嗰三個星期我每日都瞓得唔好，我個人好迷惘！到最後都係決定試吓，因為年紀都唔細，女仔好唔同！」她承認公司就續約與她溝通多次，「每個人追求唔同，但我有隻長期病患嘅狗狗，負擔好大。」宣布離巢後，她表示整個人都變得豁然開朗：「一開始會唔捨得，覺得10年就咁完咗，但又覺得好似展開咗人生嘅另一頁咁！」除了不捨在TVB拍劇外，她在節目上也特別感謝伯樂監制羅永賢（Marco）在2018年找她演《白色強人》，對方不理眾人反對，雪中送炭，讓她有機會復出幕前，「佢一直係咁畀機會我，令到更加多觀眾喺劇入面認識我！」

{{hket:inline-image name="4334.jpeg"}}{{/hket:inline-image}}

2020年爆出負面新聞，被拍到背住男友謝東閔搭上有婦之夫黎振燁，形象盡毀，面對陷入事業低潮的感受，Ashley說：「當時一片空白、好徬徨，唔知道下一步應該點，覺得成個天跌落嚟咁！」她指出停工第九個月時最難受：「因為有前輩同我講，仲有邊個會用你朱智賢？好似真係永不超生！開始好驚好擔心、唔知點算。尤其嗰一年冇收入，曾經都有考慮過自己係咪需要轉行。」停工整整一年後，她藉劇集《愛美麗狂想曲》的宣傳活動復出，她受訪時一度嗚咽：「嗰陣我好感動，係Marco（羅永賢）畀機會我出番嚟，好多人同佢講唔應該叫我嚟，因為會變咗焦點，但佢覺得要幫我，佢真係好偉大！」

{{hket:inline-image name="146637909_133005278602318_2670900722585486747_n_600.jpg"}}{{/hket:inline-image}}

在TVB十年，她坦承認識男友謝東閔是在這一行最大得著之一，她亦分享與謝東閔的相識經過：「其實之前冇乜合作過，佢參選《超級巨聲》時，我仲喺紐西蘭讀緊書，都唔知佢係邊個！純粹係綜藝節目《天與地》開會見過面，之後喺宣傳記招認識，係因為有共同朋友，一齊出去玩先熟絡。」

好人好事丨朱智賢街頭急需現金向小食店套現 店員借錢應急：雪中送炭好感動【下一頁】

被問到男友謝東閔最初吸引她的地方，朱智賢笑言：「因為佢同我一樣都鍾意狗！最搞笑係佢話畀我聽佢隻狗叫『豬豬』，我呆咗，因為我花名都係叫『朱朱』！好搞笑。」二人因愛狗結緣，她接受對方追求因謝東閔有不少優點，「心地好好、有義氣、個人好真誠，同佢相處好簡單直接！」

經歷2020年的感情考驗，她感謝男友一直陪伴及給予鼓勵，令二人感情不減反增，「那一年最初沒工作，是他鼓勵我去行山，叫我唔好再浪費時間下去。之後，我哋感情仲昇華咗另一個層次，大家都唔同咗！」最後，問到二人何時計劃結婚及生小朋友，Ashley指：「佢carefree啲，覺得一齊就OK，一張紙唔代表啲咩！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：大會提供/IG