加料外賣｜石蔭買外賣米線 女食客食到一半翻出生鏽耳挖

食米線送耳挖？一名女網民表示近日在石蔭一間人氣米線店買外賣，進食途中發現碗中竟有一支「生鏽耳挖」，感到噁心且胃口盡失，一眾網民紛紛留言大呼恐怖。

該女網民昨日（15日）在「香港米線關注組」發文，指在石蔭一間米線店買外賣米線，進食途中卻發現底部有異物，竟然是一支「好長又生鏽」的耳挖，

「食咗3分1就見到，初初以為樹支，再睇真啲先原來係耳挖！」

據其上載照片所見，該耳挖被輕微壓彎，表面似乎有鏽跡。事主形容感到非常「嘔心」，當場失去胃口。

{{hket:inline-image name="5151.jpg"}}{{/hket:inline-image}}

網民：秘方畀你發現咗

帖文引起不少網民關注，紛紛留言表示「恐怖」，「頂晏晝先食完，怪唔之得咁鹹」、「點止無胃口，直情嘔得出」、「投訴佢啦有乜可能連耳挖都有，黐線」；有網民則風趣留言稱：「秘方都畀你發現咗添」、「可能唔見咗好耐，佢有無多謝你幫佢搵返」。有網民則對於為何會有耳挖誤跌食物之中感疑惑，事主也無奈留言稱「我都想知」，另一網民則笑言：「一路煮一路撩耳，突然電話響，哎呀！」