馮盈盈極限短睡褲曬白滑美腿 性情大變網民唔Like：Chok聲扮斯文

現年29歲嘅馮盈盈自從有傳被無綫雪藏之後性情大變，由以前大情大性變到非常內歛，直頭好似係另一個人咁。現時喺TVB冇咩工作嘅佢除咗進修之外仲有經營自己Channel，分享佢營養學知識。日前佢就教大家保養美腿，唔少網民都讚嘆佢一雙腿白到發光！

同場加映：  新聞女王丨佘詩曼放慢腳步享受演戲兼陪家人 自嘲頭髮天然攣每晚必做一件事

{{hket:ul-video id="9751"}}{{/hket:ul-video}}

馮盈盈以自己雙腿做示範，一開始就為雙腿做磨砂，表示要定期為以磨砂膏同酸為雙腿去角質。之後就會抹上爽膏水，因為呢個時候保濕會更吸收，再即時搽上美白lotion。馮盈盈教大家如果有時間可以厚敷lotion，再加上保護紙，就可以更有效保養。不過佢就話懶嘅姊妹可以平時爽膏水搽面時順便搽腳，就唔使用咁多時間。

{{hket:inline-image name="23.JPG"}}{{/hket:inline-image}}

馮盈盈又教大家以芒果、香蕉同無糖杏仁奶製作特飲，指當中嘅成份可以瘦腿美白同滋潤皮膚。唔少男網民睇到眼光光之餘，都感嘆原來keep住靚都唔容易，留言：「原來女人對腳要搞咁多嘢。」、「靚腳係就係天生，但唔靚腳後天努天起碼可以改善到變一般正常腳，但就唔好期望變天生靚腳。」、「就算天生麗質老咗都要保養啦。」

馮盈盈自從同醫生男友分手之後一直都係單身貴族，加埋畀無綫雪藏之後性情大變，唔係同一個樣，真係以為係另一個人，都有網民表示覺得而家嘅佢唔自然，唔真實：「見到佢CHOK聲扮斯文就覺得嘔心，仲要條眉點睇都唔順眼。」、「點解佢會變到咁，以前好好多，冇咁假。」又有人覺得影片誇張失真：「條片大大盞燈打落去，我對腳都滑啦。」、「打燈打到成個人都爆哂。」

圖片來源：影片截圖