雯雯牙痛寢食難安網上求救 張致恒「鴛鴦蝴蝶命」曾搲牙醫贊助

張致恒（Steven）與雯雯2019年結婚，二人四年抱四，愈生愈窮，愈窮愈生。雖然Steven已經結紮，但生咗嘅都係要養，夫妻二人不時網上呻窮做伸手黨，繼之前Steven蛀牙搲贊助睇牙醫後，雯雯都同樣面對牙痛問題，網上求助。

同場加映：  新聞女王丨何依婷輿論聲中學會自我肯定 拒婚姻綑綁：最重要搵到內心平靜

{{hket:ul-video id="9746"}}{{/hket:ul-video}}

雯雯本來已停用舊IG，但一有廣告同埋要幫手以及鬧老公都會用流量較高嘅舊IG，佢尋日就喺IG表示自己有牙科問題，Story留言：「邊度睇牙平？痛到食又食唔到，瞓又瞓唔到，半邊面腫。」、「需要牙科急症。」

{{hket:inline-image name="Wh.jpeg"}}{{/hket:inline-image}}

討論區唔少網民都戥佢難過，喺痛到瞓都瞓唔到嘅情況下都唔即時睇牙醫，仲坐等網民救做網上格價，留言：「真係貧賤夫妻百事哀。」、「牙痛慘過大病，咩都有得忍，唔知佢牙痛點忍。」、「真係反面教材，冇本事唔好生仔。」

雯雯網上求救都唔係第一次，之前佢都曾經呻「莫財」：「能夠最快賺到錢嘅工作，歡迎搵我！」、「急需賺快錢，救命！」又話Steven叫佢搵人借錢，真係好唔掂！Steven自己都係睇牙醫都冇錢，兩個月前上網求贊助，IG限時動態上出Post：「咁大個仔第一次蛀牙，睇牙好貴有冇贊助？」網民當時直指他「搲」贊助好厚面皮，又建議佢快手生多個，攞2萬蚊津貼去睇牙，更有人叫佢私訊許廷鏗搲贊助義診。

圖片來源：Instagram