無綫台慶劇《新聞女王》自播出以來話題度甚高，早前無綫行政主席許濤、總經理曾志偉及高層樂易玲宴請劇集台前幕後人員到尖沙嘴出席慶功宴，不過《東張》主持容羨媛喺訪問期間又再度失言，令場面非常尷尬！
同場加映：新聞女王丨佘詩曼放慢腳步享受演戲兼陪家人 自嘲頭髮天然攣每晚必做一件事
容羨媛首先訪問高海寧、何依婷及王敏奕時，點知第一句就話：「恭喜各位終於有代表作啦！」之後高海寧回應：「係呀，其實入行都15年啦，但係今次真係確確實實feel到自己終於有代表作，係幾感動嘅一件事嚟。」更指Cathy角色非常入屋，令她出乎意料。
三位女演員一早已在不同劇集中做過主角，所以不少網友認為容羨媛講「恭喜各位終於有代表作啦！」的言論，有點不恰當。
之後容羨媛就話何依婷戲中角色好慘，需要跪地之餘，劇中妹妹又慘死：「有冇得再慘呀你？」何依婷表示：「仲有呀！未慘夠！呢一波都未算係最慘，之後仲有更慘嘅一波。」容羨媛竟然問：「你係唔係即係妹仔命呀？」何依婷未有正面回答，尷尬笑咗一下就話：「其實曉薇都真係無辦法，因為野心好大，但係能力上或者係情緒上都有好多掣肘住佢。」
之後容羨媛喺訪問佘詩曼、何廣沛及鄧智堅時，繼續令人尷尬，佢劈頭第一句就話：「Man姐你好，我可唔可以稱呼佢哋兩位為公公呢？」 佘詩曼勁疑惑反問佢：「點解呢？」容羨媛繼續講：「佢哋兩個擺明就係公公啦！」何廣沛及鄧智堅尷尬回答，並自嘲係小Ivan子及李連英。
而容羨媛好似無睇到劇咁，問：「呢兩位公公服侍得你妥唔妥當？」佘詩曼就指住鄧智堅：「大公公冇服侍過我喎，佢唔害我已經偷笑啦！」
容羨媛在2012年加入《東張西望》節目擔任主持，但她曾多次做訪問「炒車」，令受訪者勁尷尬。如上年佢訪問《美麗戰場》的演員蔣家旻及李成昌，開場白竟然興奮笑笑口以超高音說：「全城熱睇蔣家旻兩分鐘強姦戲！」身旁的蔣家旻被這種方式介紹，顯得大為尷尬，「其實被人強姦都唔係好好受。」
而在今年5月一集《東張西望》中，由容羨媛、黃耀英主持，前者提及香港為全球生育率最低的地方，更驕傲地表示自己為香港生了兩個小朋友。接著她竟然在節目中問黃耀英，為何與太太李旻芳結婚多年仍未生小朋友？接著口快快地問：「其實係唔係你有問題呀？」此言令到黃耀英十分尷尬，並表示：「嗱，其實喺香港做小朋友真係一啲都唔容易㗎！又要測驗呀，考試......」
但容羨媛似乎沒有察覺到同事的尷尬，質問對方為何沒有正面回應她的問題：「你冇正面回應係唔係有問題喎！其實去check一check......身體健康緊要嘛！」黃耀英非常無奈。
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
撰文：娛樂組
圖片：TVB