入行16年｜馬貫東曾無故被一演員掟劇本 與黎耀祥合作獲益：同佢做戲冇壓力

馬貫東在《破毒強人》中飾演杜飛一角贏盡好評，最近在無綫台慶劇《新聞女王》中飾演曉薇（何依婷飾）好友 Slash，更多次協助及陪伴對方，憑藉窩心無私舉動及可愛笑容成功入屋。

同場加映：新聞女王丨佘詩曼放慢腳步享受演戲兼陪家人 自嘲頭髮天然攣每晚必做一件事

{{hket:ul-video id="9751"}}{{/hket:ul-video}}

馬貫東早前接受無綫娛樂新聞台主播潘盈慧訪問，大談入行16年點滴，並曝光了昔日胖嘟嘟的可愛相片。馬貫東透露自中二、中三加入話劇社後便對演戲產生興趣，之後參加第21期藝員訓練班正式入行。

{{hket:inline-image name="49.jpg"}}{{/hket:inline-image}}

{{hket:inline-image name="48.jpg"}}{{/hket:inline-image}}

與不少演員一樣，馬貫東入行頭六、七年的角色都未有太大發揮，很多角色甚至沒有名字及要演死屍，但他完全未感灰心：「始終都係鍾意呢一行。」直到遇上《鐵馬戰車》及《愛‧回家之八時入席》，馬貫東開始「入屋」，他坦言《愛‧回家之八時入席》是他人生十分重要的里程碑，並坦言與黎耀祥合作，令他演技進步不少，馬貫東說：「同佢（祥哥）做戲冇壓力，因為你點做佢都可以接到你畀番你，佢唔會控制你話：『你呢句要咁講，我先可以咁講』。」

{{hket:inline-image name="53.jpg"}}{{/hket:inline-image}}

提到現時為止做過最有挑戰性的角色，馬貫東就指是《那些我愛過的人》中患有亞氏保加症的古醫生，更表示如果最高是10分，角色難度高達9.5分：「真係好難，要冇表情同埋要同時間顧好多嘢，唔可以畀人覺得亞氏保加症係傻的。」

{{hket:inline-image name="54.jpg"}}{{/hket:inline-image}}

問到入行多年最深刻事件，他坦言曾遭合作演員掟劇本，更一直找不到背後原因：「我到依家都唔知原因係咩，但大家對緊稿時跟住無啦啦掉我劇本，跟住我呆咗，心諗點解要咁做嘅？」

【那些我愛過的人】馬貫東認跟古希晨個性相近 讀書時受欺凌啞忍令個性沉默寡言【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：大會提供