家用多寡常成為夫婦間的爭拗，一名兩孩港媽發文訴說自從生育後應老公要求辭職做全職媽媽，未料最近老公以太窮為由拒給家用，要她照顧兩孩之餘，自行做兼職負責自己的生活費，令她委屈不已，決定重新搵工拒依靠男方，甚至萌生離婚念頭。
同場加映：
管家王｜80後律師助免費立遺囑鼓勵捐遺產 籌得遺贈款項逾10億
該名港媽日前在討論區「親子王國」發文，指與老公育有兩名分別4歲及6歲小孩，由老公負責供樓、交水電煤、管理費及資助幼稚園學費等。她指現時主要靠老公工作養家，她則會接freelance（自由工作）幫補，有時月入1萬元、有時沒有收入。
「攬住啲錢」拒交家用
港媽指一年前仍有請外傭時，老公每月會給予5000元家用，但近月開始以「無錢淨」為由停交家用，但仍有交家用予老爺奶奶，「佢哋全部有工作，可以話有錢過我哋好多，老爺奶奶有講叫佢唔使再畀錢佢哋，留返畀自己」。
港媽形容老公一向性格孤寒，過去生日及結婚周年均從未送禮物，「都無送畀我，係一次都無，其實好心淡，佢唔係無錢買，因佢成日會買玩具畀自己」，又形容老公「唔係無多餘錢，係要攬住啲錢，就係唔畀我家用」。
嘆如「偽單親」欲離婚
另一個問題是老公對家庭愛理不理，令她感覺如「偽單親」，「佢放工返嚟就只係玩電話，仔女叫佢唔理，家務更加唔會幫，係媽寶嚟。」
她形容自己當初只是應老公要求留家照顧子女而放棄工作，為財政獨立，避免繼續依靠老公「食自己老本」，正積極寄信找全職工作，甚至已萌生離婚想法，對於兩名小孩她也有最壞打算，
「住唔係問題，如果佢唔畀錢養仔女，我會忍心唔同佢爭小朋友，兩個畀佢，如果佢肯要。」
網民：係兩個人唔夠愛
帖文引起網民熱議，有人認為事主放棄工作做全職媽媽是最錯決定，「應該係你需要一份工！」、「佢畀唔到家用冇計啦，自己出去工作囉」。有人則認為事主一家的問題不在於家用，而是兩人愛得不夠，「似係兩公婆兩個人唔夠愛，多於錢銀問題」、「唔係家唔家用嘅問題，而係佢唔錫你唔關心你，對頭家唔投入」。
- {{hket:inline-image name="p_600_600.jpeg"}}{{/hket:inline-image}}
- {{hket:inline-image name="1.JPG"}}{{/hket:inline-image}}
- {{hket:inline-image name="2.JPG"}}{{/hket:inline-image}}
- {{hket:inline-image name="3.JPG"}}{{/hket:inline-image}}
- {{hket:inline-image name="4.JPG"}}{{/hket:inline-image}}
- {{hket:inline-image name="5.jpg"}}{{/hket:inline-image}}
- {{hket:inline-image name="6.jpg"}}{{/hket:inline-image}}
- {{hket:inline-image name="7.jpg"}}{{/hket:inline-image}}
- {{hket:inline-image name="8.jpg"}}{{/hket:inline-image}}
- {{hket:inline-image name="9.jpg"}}{{/hket:inline-image}}
家庭每月平均開支3.02萬元
據政府統計處公布去年7至9月《綜合住戶統計調查按季統計報告》，去年第3季的家庭住戶每月入息中位數，由上一季的2.75萬元增至2.89萬元，升幅達5%。另外，據政府統計處2019/20年度數字，本港家庭每月平均開支為30,230元；收入較低的家庭（收入水平最低25%的家庭）每月平均開支為10,134元，而收入較高的家庭每月平均開支則超過59,000元（收入水平最高25%的家庭）。
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】