淘寶中伏｜$1200淘65吋電視故障變電子垃圾 港男中伏投訴客服5字回應

淘寶購物一向有風險。有港男早前花$1200淘寶一部65吋大電視，到貨先發現畫面上有多條橫線。事主認為電視在出廠時已有問題，與運送過程無關，但與賣方理論時對方只著事主將貨品寄回深圳退貨。事主認為做法不切實際，只好自己在港另買一部電視。

同場加映：
管家王｜曬衫等3大壞習慣易致窗戶損壞推唔順 即學DIY檢查法3件法寶急救

{{hket:ul-video id="9694"}}{{/hket:ul-video}}

一名港男近日於Facebook群組「淘寶開心share」發文，指早前花1100元人民幣（約1200港元）淘寶網購一部65吋電視，惟到貨開箱後隨即發現問題，開機後螢幕出現多條橫線、不停閃爍，目測已不堪使用。

事主認為電視損壞與運送及包裝過程無關，而是出廠時已有問題。事主嘗試聯絡賣家理論，惟對方著事主將貨物「郵寄返深圳」，又指可以7折價錢另寄一部新貨。對此事主表示無可能將大電視寄往深圳，加上已對該品牌失去信心，決定自己在港買另一部電視了事，

「我對這個牌子已經失去信心，費事衰多鑊。內地電視真係垃圾，得個平字生產啲電子垃圾。」

據相片影片所見，電視開機後畫面右上方出現多條粗身橫線，覆蓋螢幕約一半位置；用作包裝電視的紙皮箱則未見有「外傷」，上面寫有「led smart tv」字樣。

貪平惹禍 網民嘲一分錢一分貨

事主雖痛失$1200，惟大部分網民均不表同情。普遍人認為$1200售價對65吋電視而言未免過平，貪平後果亦往往是自招損失。有人認為在淘寶購物不應選擇大型電器，否則一旦有損壞根本無從退貨；亦有人指不少知名內地電視品牌在港都有行貨出售，無謂貪平買「雜嘜貨」。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】