網購床蝨｜港女嘆淘寶買木架有蝨 蔓延全屋清不完 專家教淘寶開箱防蟲4部曲

「淘寶」貨品質素參差，稍一不慎隨時惹蝨入屋。一名女網民日前從「淘寶」購入木架，木板上卻有「蝨蛋」，結果令蝨蟲蔓延全屋。有滅蟲專家指出，過往約1成惹蝨個案都是因為從「淘寶」網購傢俬所致，建議收貨開箱時，做足以下4大步驟，能大大減低惹蝨機會。

同場加映：
管家王｜曬衫等3大壞習慣易致窗戶損壞推唔順 即學DIY檢查法3件法寶急救

{{hket:ul-video id="9694"}}{{/hket:ul-video}}

該名女網民於Facebook群組「香港滅蟲關注組」發文，指自己於「淘寶」購入一個木板層架，惟其帶有蝨蟲，導致全屋中招，「塊板度有蛋，爆到全屋蝨，而家都未清晒」，認為最近不少人有床蝨入屋問題，或與「淘寶」傢俬有關，

「其實咁多人中床蝨/跳蝨，係咪都關『淘寶』事？」

網民紛紛大呼恐怖，並提醒將「淘寶」包裹帶入屋前要做足消毒措施，「我『淘過』木板、木床，全部都冇問題，但我一到貨會仔細檢查同全部噴酒精。盡量唔好潮濕天買，驚擺集運倉時吽蟲，我啲紙皮箱全部唔入屋，門口拆晒又係噴晒酒精」。

開箱簡單4步防蝨入屋

滅蟲專家任永強接受《晴報》訪問時就指，因「淘寶」傢俬導致床蝨入屋的個案，在近10年內增加不少，過往因床蝨入屋求助的個案，便有約1成懷疑因「淘寶」傢俬所致，他們大部分都是購買儲物櫃及睡床等木製傢俬。他憶述一名客人在內地訂製傢俬，木板送抵時已發現板材有藏蝨跡象，安裝時床蝨即「走晒出嚟」，最終蔓延全屋。

任永強表示，網購傢俬很多時「包到好大件」，即使藏蝨也難以即時察覺，而且除了床蝨外，也可能藏有其他昆蟲，如蛀木蟲、潮濕蟲等，故網購傢俬要特別小心。他又分享，平時收到「淘寶」包裹，開箱時做幾步便能減低蝨蟲入屋機會：

1. 開箱前先在地面鋪上膠墊或報紙

2. 在客廳中間打開包裹，如有蝨蟲亦可即時發現

3. 先用酒精噴包裹表面

4. 打開時仔細檢查內裡是否有蟲卵、幼蟲等

另外他又提醒，收到包裹後可多留意包裝，如上面有啡黑色小點，或為床蝨糞便，即代表可能藏有床蝨；同時可留意紙箱中間或底部會否有「細細粒、會郁嘅蟲」。如發現貨品帶有蝨蟲，他就指若數量眾多應將其妥善掉棄；如只有數隻，可先用殺蟲水噴灑包裹消滅蝨蟲，對付床蝨就要用風筒或蒸氣熨斗，利用熱力將其殺滅。

「淘寶」傢俬有蟲常見6大原因：

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

 ↓U Lifestyle App睇盡《晴報》新聞資訊及自家節目↓
↓↓同步更新、更快更順↓↓
【免費下載】