開卷｜Patrick Sir現身校園成「萬人迷」獲女同學讚靚仔表現忸怩

J2長壽節目《開卷》由林溥來(Patrick Sir) 帶領一班 J2ers 何泳芍(Honey)、伍韻婷(Juliana)及布樂文(JB)主持，Patrick Sir 同 Honey 今趟衝出錄影室，身體力行走進校園介紹好書。上星期五(1日)來到大坑香港真光中學舉行講座，吸引半百同學出席。原定放學時才亮相的二人，專登提早半小時到場給學生們驚喜。當學校李老師宣布二位嘉賓已到場，Patrick Sir 透過廣播室跟同學仔打招呼，他說‥「今天會來到真光堂分享兩本書，中文書是中二級廣泛閱讀書籍，英文書是高中 SBA 書籍，都同大家的學習好有關係，各位同學快啲嚟傾偈。」 搞到一班準備放學的同學仔尖叫。

同場加映：新聞女王丨鄧智堅非典型男一身形全靠實力 童顏扮老兼備：局限反留深刻印象

{{hket:ul-video id="9701"}}{{/hket:ul-video}}

當日講座題目為「閱讀與旅遊」， Patrick Sir 表現鬼馬成「萬人迷」，大受師生歡迎。到 Q&A 環節 Patrick Sir 獲女同學讚靚仔，又自爆跟媽咪都是死忠 fans，搞到他有點忸怩。 席間提到拍攝《開卷》的初心時，Patrick Sir 貫徹幽默的說‥「嗰陣台長 Tommy 搵我時， 其實內心暗喜話『咁正，一早要做啦』。分享閱讀、知識嘅節目，可以同年青人 connect 返閱讀嘅重要。好多人都打定輸數，個個都講娛樂，你去講書。不過 Tommy話 J2 係畀年青人睇，收視係重要但點都要做啲對社會有責任嘅嘢。」

{{hket:inline-image name="4.JPG"}}{{/hket:inline-image}}

期間 Honey 還透露《開卷》 不經不覺已播出近百集(截至12月4日實際為 76 集)，她興奮說‥「加入節目時心諗做到10幾集已經賺咗，點知越做越耐。」她笑言錄影時各主持都沒有稿在手，每趟都似交讀書報告般上陣。講座後 Patrick Sir 繼續成為師生們集郵玩自拍對象。

{{hket:inline-image name="5.jpg"}}{{/hket:inline-image}}

日前一班《開卷》主持，本着「讀萬卷書，不如行萬里路」精神，出發往台灣拍攝《開卷》台灣篇。雖然天未光就要在機場出發，但能夠去到閱讀風氣盛行，書店林立的台灣，他們都表現興奮。今趟行程會走訪台北及宜蘭多間書社，包括‥「太平青鳥書店」、 「晴耕雨讀小書院」、「文心藝所」、「文房」、「雅痞書店」，藉書本聯繫兩地。Honey 接受訪問時表示今趟會全力擔任康樂組長職責，負責吃喝玩樂，她笑說‥「今次睇咗好多酒店附近有乜嘢食、玩同跑步地方。介紹好書交晒畀Patrick Sir，佢好癲今次會一次過講十幾本書。」據知，《開卷》台灣篇將在聖誕節當日播映首集。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：大會提供