叠影狙擊｜周秀娜先後與黃宗澤黃浩然演親熱戲 劇中「享盡艷福」卻笑言無福消受？

《叠影狙擊》本周結局周， 昨（4 日）晚一集，富商涂文諾（黃浩然飾）及假扮孖生妹妹梁曦（周秀娜飾） 的魏曉晨（周秀娜分飾），與死敵楊俊雄（郭政鴻飾）對峙，俊雄爆出梁曦竟是金夫人，並揭發曉晨是新加坡警察臥底兼假扮梁曦的真相。文諾雖然震驚不已， 但愛着曉晨的他最終開槍射死俊雄…曉晨向文諾稱現時只向錢看，但文諾要她對付袁晟杰（黃宗澤飾）以表心跡；另一身份是金先生的楊俊傑（關禮傑飾），其手下龍少（陳少邦飾）被曉晨與文諾嚴刑拷問，龍少踢爆梁曦之前偷走楊俊傑的洗黑錢罪證，雙方反目成仇…

同場加映：新聞女王丨鄧智堅非典型男一身形全靠實力 童顏扮老兼備：局限反留深刻印象

{{hket:ul-video id="9701"}}{{/hket:ul-video}}

周秀娜繼早前與Bosco拍床上戲，今次則在劇中與浩然發生親密關係。娜姐主動帶酒到訪浩然豪宅，二人半醉下由客廳開始咀嘴，再到大床激吻一夜纏綿，掀起全晚高潮。娜姐受訪時被問及拍親熱戲前的準備功夫，她感謝老友 Bosco：「我喺佢身上學咗一招，用雙飛人藥水消毒口腔，同埋拍呢幕戲之前放咗飯，唔可以食太濃味嘅嘢！」

{{hket:inline-image name="11062002_600.jpg"}}{{/hket:inline-image}}

{{hket:inline-image name="689.jpg"}}{{/hket:inline-image}}

問到今次對手浩然與Bosco的分別，娜姐說：「我同Bosco拍嗰場戲天氣仲係好凍要搓熱雙手，同浩然完咗嗰場床上戲我就係煞科，所以未拍前特別興奮，心情有好大分別！」娜姐在《叠影》一人分飾兩角， 多文戲又多動作戲，因此她戲言與任何男拍檔演親熱戲也感開心：「我拍床上戲就代表可以瞓喺床唔使跑，乘機偷懶！」提到除了先後與Bosco、浩然拍親熱戲，娜姐又與方力申、郭政鴻、關禮傑及李忠希有感情瓜葛，似享盡艷福，娜姐卻苦笑無福消受：「佢哋咁多人對我一個，呢啲邊係艷福？呢種艷福我唔識享受！」

{{hket:inline-image name="5_600.jpg"}}{{/hket:inline-image}}

另邊廂，被內地網民取笑有「戀愛腦」的黃浩然受訪時，笑指與娜姐同床也心情興奮：「當晚我同佢都係煞科，心情特別興奮，但都有啲唔捨得，不過嗰日場戲凌晨三、四點先開始，所以有啲眼瞓！」他又大爆拍攝當日天氣仍然寒冷，因此導演嗌Cut 後要轉機位再拍攝期間，自己與娜姐也長留『被竇』拒落床：「我哋各自各瞓，再 roll 機就再拍，咀到已經麻木晒！」浩然又稱二人的床上戲一take 過完成：「雖然冇 NG，畫面睇落又好浪漫，但導演喺側邊不斷指揮我哋點錫同點擺手嘅位，一啲都唔浪漫。」浩然與太太剛慶祝結婚 18 周年，他笑言拍攝親熱戲也不用向太太備案：「呢啲係工作嘅一部份，播出後佢應該睇到都冇嘢！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：大會提供