東張西望丨港男遺失身分證副本搞成一身蟻 慘「被犯罪」上手扣兼拘留48小時

《東張西望》昨晚報道化名陳先生的港男今年6月在大埔一個商場的洗手間，不慎遺失身分證副本、駕駛執照副本、住址證明副本及的士駕駛證的副本，由於見到路過的巡邏警察，陳生決定上前要求備案，「佢話好平常，唔使咁緊張要去差館備案，『唔通拎住你幾張嘢去銀行借到一百幾十萬咩？』」

同場加映：新聞女王丨鄧智堅非典型男一身形全靠實力 童顏扮老兼備：局限反留深刻印象

{{hket:ul-video id="9701"}}{{/hket:ul-video}}

東張西望｜母親迷信日本異端教會有病唔醫 兒子質疑「神光袋」「自然農法食物」歛財【下一頁】

{{hket:inline-image name="co1.jpg"}}{{/hket:inline-image}}

起初陳先生都相信警察提供的意見，不以為然，沒想到禍根已種下，更搞到一身蟻。今年8月開始，他住所的信箱收到大量政府信件，當中包括隧道通行的收費單，欠款通知書等等，後來數量越來越來，每天都收到一大疊，連信箱都爆滿。「不斷用我個名登記，但唔同嘅車牌，我又冇買過車，又冇幫人申請過任何車輛登記嘅嘢！」陳先生懷疑有人利用他的身分證登記車牌，於是去運輸署要求取消罰款，再去警署備案，才發現他名下登記的車輛已經有五架之多。

直至9月，陳先生被三至四名便裝警察上門拉人，對方表示是中區反黑組，以涉嫌一單中環金融公司的刑事毀壞案有關，由於完事後逃走的車輛是由陳先生名字登記，所以上門拘捕。陳先生轉述警方指雖然已經備案，但由於他所登記的車輛仍然在市面行駛，有罪案就自然跟陳先生拉上關係。「屋企人睇住又搜屋又搞到我屋企人，又要落手扣，我話：『阿Sir，唔使呀？咁細單案！』佢話係程序咁做，對我嚟講好侮辱性，我都願意跟你返去協助調查，身分證都喺晒你度。你都仲要落手扣帶我返去，鄰舍或者街坊見到，人哋見到唔知我做咗啲咩？對我同屋企人心理造成好大影響。」到警署後，由於陳先生有不在場證據，所以獲得保釋離開，當時警方更爆原來他名下登記的車輛已由5架增至7架，陳先生後來出聲明要求運輸署凍結個人資料，不再讓人盜用他的資料登記新車牌，不過原有7架仍然無法改變，繼續在路上運作。

{{hket:inline-image name="c12.jpg"}}{{/hket:inline-image}}

{{hket:inline-image name="c110.jpg"}}{{/hket:inline-image}}

東張西望丨長者囤積壞死食物引蛆蟲周圍走 義工入屋清理 網友大讚：無私的愛【下一頁】

10月份，一宗南亞人斬人案，涉完事逃離現場的車輛又是陳先生名字登記，由於案情嚴重，陳先生不獲准保釋，被困在中區警署羈留所48小時。「當時半夜都有其他兩、三個犯人，面目猙獰，我個心都有啲寒嘅感覺，而且好孤立無援，叫天不應叫地不聞。就算當時夏天，我冚住張氈都覺得好凍...困足兩日真係好無奈。」不過原來陳先生並不是孤身一人，《東張西望》今晚將訪問另一位受害人，情況比陳先生更嚴重，在多家警署被拘留過，同樣都只是因遺失身分證。

{{hket:inline-image name="co5.jpg"}}{{/hket:inline-image}}

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組