安仔前十字韌帶完全斷開感自責 疑着錯鞋出事：覺得隻腳啜住喺地

陳健安（安仔）繼早前遇交通意外傷右邊面，日前又再於踢足球時受傷，令前十字韌帶完全斷開，換句話講即係必須開刀做手術。安仔非常灰心之餘，仲不禁自責係咪自己有咩做得唔足先會令自己受傷。

同場加映：叠影狙擊｜文頌嫻認唔識撈拒公司命令被罰 「七魔女」變晒慈母唔憂單身佘詩曼

{{hket:ul-video id="9662"}}{{/hket:ul-video}}

安仔早前post出自己做治療嘅相，不過當時就未知有咩事，今日佢就話MRI報告出咗，原來佢左腳前十字韌帶完全斷晒，雖然其他組織無大傷，但佢都好唔開心，仲有啲自責：「一聽到嗰刻好唔開心，想喊出嚟，心諗咁易咩？動作都好平常姐。然後就思考受傷原因，過程當中身邊都會有好多說話令到自己將責任放大同放晒喺自身上，好自責好唔開心，例如年紀大機器壞、訓練唔夠、熱身不足、去完非洲返嚟舟車勞頓唔夠休息等等。自問以上都做足，但當然唔可以排除上述嘅因素。」

{{hket:inline-image name="402469288_18398350297002142_5724764278935875_n.jpg"}}{{/hket:inline-image}}

不過安仔同過物理治療師討論，受傷都有其他外在因素，就係場地同波boot：「佢哋聽過唔少膝頭受傷嘅人係喺仿真草上整親，視乎係第幾代仿真草場，我都唔太識，但我係喺顯田仿真草足球場整親，第一次踢呢個場，著短膠粒釘boot，整親嗰刻覺得隻腳有啲啜住咗喺地，然後膝頭就擺一擺就傷咗。有冇人都係咁樣傷過？」安仔表示覺得無奈同疑問，又問有冇咩部門係會負責收集球場受傷嘅數據然後研究同改善減低再有人受傷嘅機會。安仔雖然灰，但不忘宣布最近有一個喜訊：「我人生首張個人概念大碟會喺2023年12月11日出世。」

{{hket:inline-image name="406617085_18400240300002142_1072479124627858837_n.jpg"}}{{/hket:inline-image}}

有網民回應，指佢出事好大機會就係因為着錯鞋：「你呢款波boot係FG，即係踢天然草Firm Ground，如果踢康文署大部份仿真草場，係會勁食住個地，然後扯爛個膝頭哥。很不幸你就係呢個個案。所以奉勸各位朋友，包括你好返之後，踢仿真草一定要着AG boot。」其實，踢波鞋分好多種，其中Firm Ground（FG）適用於偏硬的場地，針對天然草場對球鞋作出了專門的改良，這使得大多數球員都在這種場地上選擇了FG。目前大多數職業球員在比賽時穿的就是FG鞋釘，也是最為常見的。通常FG鞋釘長度是最長的，適合平整的天然草場地。Artificial Ground（AG）適用於人工草坪，鞋釘比HG的短，一般為1厘米左右，且採用的橡膠比FG、HG都要柔軟，鞋釘數量也要比上述兩類多。

骨科專科醫生王樂恩曾表示，膝部有4條主要韌帶，分別為前十字韌帶、後十字韌帶、內側副韌帶和外側副韌帶，作用是穩定膝關節，令人行走自如。而運動時「急停急煞」、激烈跳躍或扭動，都會加重韌帶負擔，甚至造成斷裂︰「以踢足球、打籃球為例，常有突然躍起，再急速落地的動作，當腳已『釘地』（腳先着地），但身體仍在半空扭動時，很易造成半月板軟骨撕裂，甚至扯斷前十字韌帶等損傷。至於俗稱『掃把腳』的左右腳控球動作，稍一不慎亦易造成內側副韌帶受傷。」

王醫生說，一般在前十字韌帶斷裂後數周才治療並無大礙，若延遲治療數年，則難補救︰「韌帶斷裂不能自然恢復，需利用手術重組韌帶，再配合物理治療才能復元；一般想正常走路約需2至3周康復期；若想如常踢波，最少要做半年物理治療。」受傷後急救，亦切忌馬虎。王醫生指因受傷後關節或因移位「鎖緊」，忌強行拉直或屈曲傷腳，並要測試腳掌、腳踝等能否郁動或有無感覺︰「一旦出現麻痹感，或涉及較嚴重的神經或血管受傷問題，需馬上入院搶救；不過一般撞車或高處墮下的傷者才易有此問題，正常運動很少出現這種情況。」

圖片來源：Instagram