新聞女王丨何依婷備婚宣傳劇集約會多 嬲爆被跟蹤：上封面唔係我自願

現年29歲的2017年香港小姐亞軍何依婷（Regina）近日於TVB台慶劇《新聞女王》飾演機心女，狂吸大量負評，不過有人討論都係有人識、有人氣，今日佢就喺社交平台嬲爆爆咁指自己被人跟蹤，仲叫fans們評評理！

同場加映： 叠影狙擊｜文頌嫻認唔識撈拒公司命令被罰 「七魔女」變晒慈母唔憂單身佘詩曼

{{hket:ul-video id="9662"}}{{/hket:ul-video}}

何依婷近日於《新聞女王》中飾演「Man姐」佘詩曼下屬「徐曉薇」，劇中何依婷為求上位與「梁景仁」馬國明搭上，「徐曉薇」遭網民狠批，不過亦令何依婷多咗人討論。另外何依婷本月初驚爆婚訊，佢表示會舉行小型婚禮，所以除咗宣傳新劇，仲要籌備婚禮，日日都好忙。

{{hket:inline-image name="399729974_18394299715063908_5937294582610278655_n.jpg"}}{{/hket:inline-image}}

今日佢就喺自己社交平台嬲嬲自爆被跟蹤，留言：「最近其實真的很忙，每天跑宣傳訪問，約不同的人開會備婚。偏偏今天出門時發現被跟蹤，其實大家有甚麼想知道，為甚麼不直接問我，要玩跟蹤呢？我可以直接話畀你知，我今日要開二（砍）個會。撇除演員的職業，一個正常人，有誰喜歡被跟蹤？被曲解？被揭私隱？不被尊重？」何依婷話自己呢個係「純學術討論」，仲話自己講真話有少少「猛烈」：「利申上封面唔係我自願，被人揭私隱都唔係，費事大家誤會我好鍾意見報。」睇嚟真係有火呀。

何依婷因參選港姐而入行，多年來受到公司力捧，在2020年的台慶頒獎禮，更被提名「最受歡迎電視女角色」、「飛躍進步女藝員」以及「最佳節目主持」3大獎項，不過就空手而回。翌年台慶劇《十月初五的月光》擔任女主角，2021年再憑《星空下的仁醫》游芝樺一角入圍「最佳女配角」最後5強，受到力捧。何依婷私生活一直備受關注，近年變得富貴，以名車代步出入名店，更被發現搬到入門價逾3千萬的紅磡樓王居住。

撰文：娛樂組