ANSONBEAN閉關練功圓武打夢 積極籌備新歌回饋豆粉

陳毅燊（ANSONBEAN）連續第三年獲邀出席Make a Wish「分享願望的喜樂」聖誕慈善義賣籌款活動，日前於中環置地廣場擔任一日快閃店長，聖誕前夕適逢是ANSONBEAN的23歲生日，這天他份外落力，為慈善義賣盡一分力！受到偶像的號召，活動當日豆粉們再度齊集，有豆粉更捐出50隻熊公仔與100個沐浴球義賣，當作送偶像的生日禮物，ANSONBEAN得悉後也被豆粉的善心感動，他說：「見到豆粉咁有心，我都好感動，每年嘅呢個活動就好似變咗一個傳統，可以做善事又可以同大家見面，幾開心㗎！好開心我能夠集合更多人嘅力量為重病兒童籌款，分享喜悅，成就更多願望成真。」

同場加映：社內相親丨盧瀚霆點評呂爵安陳漢娜邊個好嘴 Edan除衫激戰沈殷怡：唔知點樣錫

{{hket:ul-video id="9642"}}{{/hket:ul-video}}

ANSONBEAN今年花了很多時間「閉關」參與電影與電視劇拍攝，甚少機會跟豆粉們見面，這天他們難得碰面，活動後ANSONBEAN逐一跟豆粉簽名合照，有求必應，他說：「今年生日前啱啱有兩個騷表演，有得做自己鍾意做嘅嘢去慶祝，之前生日會因為太得閒而唔開心，我就當今年嘅表演工作係大家順便幫我搞咗個生日會，希望未來每一年生日都可以喺工作中度過。」

{{hket:inline-image name="DSC_1632.jpeg"}}{{/hket:inline-image}}

今年ANSONBEAN拍畢一套喜劇，早前也完成了一部電競題材的勵志電影《觸電》，一嘗功夫演員的滋味，他笑說：「今年參與武打嘅工作比較多，先係《廢J》，係我第一個有打元素嘅作品，年中就有呢套，希望嚟緊都keep住有更加多，我發現自己對武打嘅工作會特別享受同投入，感受到成個團隊一齊去博，好熱血呀！我好鍾意呢種工作模式。」

目前ANSONBEAN正積極籌備新歌，而自己更開始參與填詞創作，他說：「喺上音樂堂時MastaMic有教，加上同啲音樂人朋友交流，發現音樂係可以慢慢雕琢得更加好。目前我作咗兩首歌，雖然未必出街，但係我好開心自己寫多咗作品，夠膽去寫吓啲旋律，嚟緊希望可以有自己創作嘅作品同大家見面。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：大會提供