張寶兒坐月期間急帶囝囝整回鄉證 袁偉豪搵奶粉錢 靠呢個男人幫手

現年32歲嘅張寶兒今個月17號誕下囝囝「袁咕碌」，榮升爸爸嘅袁偉豪入產房陪伴左右，又影低阿仔嘅出生過程，完全感受到二人初為人父母嘅喜悅。不過袁偉豪好快又返去內地拍劇，張寶兒都好叻女，未坐夠月就帶埋囝囝去整證件，唔知係咪心急帶埋袁咕碌去內地探班為老公打氣呢？

同場加映： 叠影狙擊｜文頌嫻認唔識撈拒公司命令被罰 「七魔女」變晒慈母唔憂單身佘詩曼

{{hket:ul-video id="9662"}}{{/hket:ul-video}}

張寶兒post出袁咕碌喺車上嘅相，似乎瞓得好安穩，張寶兒以囝囝「第一身」留言：「今日好充實，好感恩。已經辦妥出世紙、護照、身份證、回港證同埋回鄉證。多謝醫院姑娘們幫忙執出街走佬袋，多謝陪月姨姨、燕玲姨姨同埋舅父今日Support媽咪，多謝各辦事處辦證的哥哥姐姐好快手，更多謝自己今日非常配合，五分鐘都唔使就影到，張開眼又唔伸脷嘅證件相。」

根據香港法例第174章《生死登記條例》第7條，父母須在嬰兒出生後42天內，向出生登記處辦理登記。若有人刻意不依從法例辦理嬰兒出生登記，即屬違法，一經定罪，最高罰款港幣2,000元或入獄六個月。父母須按法例為子女辦理出生登記，以免因逾期辦理有關手續而損害子女可得的醫療、教育和福利等相關權益。計番日子，寶兒生咗都唔夠兩個星期，認真心急！

{{hket:inline-image name="404013960_881425076843394_1030027546505446032_n.jpg"}}{{/hket:inline-image}}

張寶兒之後再補充：「媽咪話仲要多謝奥海城影證件相的姐姐，叻叻咁兩張相就捕捉到我的正經樣，同埋多謝醫院PR Gigi幫手做咗好多資料搜集今日流程先可以咁順暢。」初為人母嘅寶兒又興奮分享自己同老公嘅童年照，同囝囝而家個樣做對比，留言：「同爹哋似多啲？同媽咪似多啲？仔細睇幾眼，好似都一樣。可愛又帥氣的袁寶寶！」字裏行間都充滿愛。

袁偉豪雖然正忙於喺內地拍攝無綫新劇《法證先鋒6 倖存者的救贖》，不過都盡量兩邊走陪家人。除咗陪產之外，日前（24日）係佢同太太結婚三周年，佢都專程趕回港陪喺月子中心坐月嘅老婆，張寶兒亦分享全家福，發文答謝老公：「是結婚週年紀念，你忙著拍攝，我忙著做奶媽，大家都沒個好睡，但感謝你仍然長途跋涉轉幾程車，就是回來陪伴幾小時。雖然見到你的時候已經半夜，早上吃個早餐你又要離開，但陪伴就是最好的慶祝，就是我們的儀式感，️今年我還多了一個愛人。#結婚三週年快樂 #happyanniversary #三週年三個人 #坐月子 #晝夜不停的努力 #身體要加油 #為對方打氣」。

圖片來源：Instagram