新聞女王丨前主播蔡誌恩為不合理劇情平反 佘詩曼大讚馬國明夠晒陰險

佘詩曼、李施嬅、王敏奕、何依婷、龔慈恩、車婉婉、蔡誌恩、倪嘉雯、王嘉慧、郭千瑜和李顯曜今日為劇集《新聞女王》宣傳造勢，由於阿佘在劇中有不少金句，她趁馬國明不在場就「Man姐」 上身，霸氣地說：「我係退咗落嚟呀，但你睇吓冇人坐到我呢個位，就知道咩情況啦！」說罷，阿佘即笑說：「佢（馬國明）唔喺度，我先敢講咋！」

同場加映：叠影狙擊｜文頌嫻認唔識撈拒公司命令被罰 「七魔女」變晒慈母唔憂單身佘詩曼

{{hket:ul-video id="9662"}}{{/hket:ul-video}}

新聞女王丨高海寧報新聞滴眼藥水扮喊煽情 昔日黃紫盈鄭萃雯落淚畫面最經典【下一頁】

{{hket:inline-image name="8b933c65-023c-4e25-82e4-cd4e606bc829.jpg"}}{{/hket:inline-image}}

{{hket:inline-image name="3b5adc74-5e11-4ed6-b11b-b9c43a62cd7b.jpg"}}{{/hket:inline-image}}

{{hket:inline-image name="ede3adfc-1b02-4c08-ac2f-e1cacd8bfa2b.jpg"}}{{/hket:inline-image}}

{{hket:inline-image name="ba09c140-35d6-47fd-b076-cf239db63ee1.jpg"}}{{/hket:inline-image}}

曾任無綫及有線主播的蔡誌恩，他穿上西裝架起眼鏡，感覺要在活動現場報道新聞，他坦言十分欣賞劇組及一眾演員的用心，劇本很仔細，亦大讚阿佘和李施嬅等人能完美演繹主播腔，「我當年最少練咗一個月，至少有主播腔，但佢哋喺短時間就做到，我好佩服佢哋。」

{{hket:inline-image name="1e05888a-3172-4538-aee4-419bfedab755.jpg"}}{{/hket:inline-image}}

對於有前主播提出劇情不合理，蔡誌恩說：「現實同戲劇係有少少唔同，戲劇係需要將一啲嘢放大，先至有張力；我都有留意雋仔（姚雋彥）講採訪車邊有咁靚，我覺得戲劇冇交代，SNK其實有好多budget，有好多贊助，佢可以做到呢樣嘢；另一個女主播話點會有化妝師跟場，的確係嘅，我覺得香港傳統新聞界入面，可能冇呢個budget做呢件事，但其實一個理想嘅新聞工作環境入面，如果有呢啲配套會更加好，大家除咗睇新聞之外，亦都想睇吓嗰個新聞主播，成個外形想表達啲乜，所以我唔會話佢哋離地，就算係離地，都係離開咗香港傳統新聞界嗰個地，貼地係理想新聞工作環境應該要有嘅一啲配套。」

新聞女王丨方健儀同Man姐撞形象原來有原因 自爆曾放蛇隆胸：香港係冇主播【下一頁】

阿佘開心劇集收視和口碑很好，她感謝觀眾給他們一個強大的信心。提到有不少內地網民模仿她，「Man姐」上身，阿佘笑說：「係呀，佢哋帶貨，又或者搞笑版模仿，我都有睇。（有冇留意『Man姐』髮型跟方健儀現時髮型一樣？）係呀，我睇新聞有講，咁橋！」

{{hket:inline-image name="f9687150-5dea-445c-8d1a-e015ed0778e9.jpg"}}{{/hket:inline-image}}

提到阿佘為角色付出不少苦功，網民大讚她完美演繹主播腔，她說：「其實成套戲，我最重視就係呢個部分，我花咗幾個月時間去練，點解我會咁緊張，因為我演緊一個專業，因為每個人都睇過新聞，所以冇得創新，要做得似，令到觀眾信服，我要落多啲苦功，我希望得到最大嘅迴響嘅一part。（蔡誌恩都讚你？）太開心，多謝，所以真係冇不勞而獲。」

{{hket:inline-image name="aa9023fb-dccd-4abb-8499-31786dbe844f.jpg"}}{{/hket:inline-image}}

{{hket:inline-image name="31f36b34-93ae-4316-b754-bcb74b307053.jpg"}}{{/hket:inline-image}}

對於有網民指馬國明不夠奸，氣場不及阿佘，阿佘為對方平反，「我覺得唔可以咁講，始終係兩個人物性格，如果兩個人都咁強，硬踫硬又未必好睇，因為其實佢角色比較陰啲，喺背後做好多小動作，所以佢唔需要強硬，今次對馬國明嚟講係一個好大突破，我未見過佢演呢類角色，呢套劇嘅討論度咁高，佢都係功不可沒。」

{{hket:inline-image name="f474e80d-c9c9-409d-ba47-0fcaff82f49a.jpg"}}{{/hket:inline-image}}

{{hket:inline-image name="66deeb54-4bf5-4b81-a233-7b9c877b4105.jpg"}}{{/hket:inline-image}}

李施嬅開心大家對新劇的討論，對於前主播認為劇情離地，李施嬅解釋：「我哋唔係模仿TVB新聞主播。《新聞女王》係自己一個世界，高Ling（高海寧）噚晚嗰滴眼淚，喺TVB真係冇可能發生嘅事，畀人即刻炒啦；但喺《新聞女王》世界就會出現，所以唔可以咁樣比較。」問她有沒有信心奪視后？李施嬅說：「我冇諗呢樣嘢好耐，我已經做咗好不一樣嘅我，而且有一啲讚賞，我已經好開心，視唔視后呢樣嘢，就算啲人好鍾意《金宵大廈》，亦都未必一定畀你，呢啲控制唔到就唔去諗。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

採訪：黃曉妍
攝影：馬駿傑