麥明詩曬超大海景閨房男友視角 「天價」人體工學椅意外成為焦點

31歲「十優港姐」麥明詩（Louisa），近年由演藝界跳到顧問公司，再殺入教育界，雖然間中都有出鏡，但都只是玩票性質。日前佢就分享一個新鮮滾熱辣拍嘅廣告，身兼多職嘅佢因為拍廣告搞到星期日都要開工「還債」。Louisa post出佢喺房中工作嘅相，大家都將焦點放咗喺佢嘅海景同埋貴價人體工學椅上面。

同場加映：社內相親丨盧瀚霆點評呂爵安陳漢娜邊個好嘴 Edan除衫激戰沈殷怡：唔知點樣錫

{{hket:ul-video id="9642"}}{{/hket:ul-video}}

打兩份工嘅Louisa post出一張「厭世樣」工作照，留言：「making up some work on a Sunday because I took a day off mid-week to shoot.（星期日補番做嘢，因為平日有一日去咗拍嘢。）」Louisa又特別感謝幫佢影相但冇投訴嘅人，相信呢個人就係機師男友盛勁為。

{{hket:inline-image name="33.JPG"}}{{/hket:inline-image}}

相中Louisa以素顏及居家服飾示人，大曬美腿，唔少人都大讚佢自然，唔化妝都咁靚。而另一個焦點就係佢大窗出面對住嘅無敵大海景，令人非常羨慕。不過都有人提佢小心傷眼：「雖然風景好靚，但陽光下用電腦好傷眼，落窗簾比較好。」不過Louisa就回應：「但係我又好想望景。」睇嚟星期日工作真係好需要減壓！

除此之外，仲有網民focus咗喺佢張工作凳上，因為有別於一般工作凳，Louisa坐上去之後前面仲有一塊跪板。Louisa見大家對張凳咁有興趣，都有回覆：「Thanks for all your interest in my chair.」佢指自己坐嘅係人體工學跪坐椅，雖然冇公開牌子，但就叫大家有興趣可以上網搜尋一下。而呢種跪坐椅能糾正坐姿，讓腰椎保持弧度，如果係大牌子更要索價$5000以上，真係一啲都唔簡單。

圖片來源：Instagram