朱咪咪在澳門舉行的《"過大海"系列之朱咪咪ME TIME演唱會》圓滿結束，全晚使盡渾身解數的朱咪咪，令全場氣氛high爆。朱咪咪台上重申從未想過退休，只是嫌拍劇辛苦而不再拍劇，歌手出身的她坦言會一直唱下去。
同場加映：社內相親丨盧瀚霆點評呂爵安陳漢娜邊個好嘴 Edan除衫激戰沈殷怡：唔知點樣錫
朱咪咪獻唱《飛躍舞台》來演唱會揭開序幕，不忘搞笑本身問：「係咪未見過我咁靚呢？仲要係好鬼靚。」有觀眾大讚「靚女」，咪咪姐即笑謂：「我知，之前喺新加坡畀記者誤會我退休，如果我退休我去邊度搵錢？我已經因為唔想再捱更抵夜所以唔再拍劇，開演唱會幾好呀又舒服，又可以同大家傾吓偈。」隨即唱出多首大家耳熟能詳的經典歌曲，包括《問我》、《婚紗背後》、《隨想曲》、《順流逆流》、《上海灘》、《柔道龍虎榜》、《今天的我》等等。
完騷後訪問，朱咪咪指今次精心打造演唱會歌單，國語歌和廣東話兼備，「我而家已經唔再係十八歲卜卜脆，而係骨頭卜卜脆，所以要減啲工作，不過我每個演唱會嘅流程、對白，都係由我自己負責諗同寫嘅，因為企喺舞台上只有我最熟悉觀眾，我知道佢哋想要咩，其實呢場騷環節都好隨意嘅，咁先可以同觀眾多啲溝通，而佢哋嘅反應就畀到動力我。」朱咪咪更豪言：「只要香港、新加坡、馬來西亞，只要有老人家想聽我唱歌，我都會去免費唱歌，因為呢班老人家好熟悉我，他們都有看我啲電視劇同電影，他們見到我就好似見到老朋友咁，正所謂千金難買長者笑，睇見佢哋開心，又何必要收錢。」
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文：娛樂組
圖片來源：大會提供