蔡嘉欣「拜金群組」姊妹團竟然冇佢份？ 唯一圈外人親家姐禾稈冚珍珠

蔡嘉欣（Kayan）於7月透露已接受拍拖7年的圈外男友求婚，並在IG公布喜訊：「我們在一起的第7年，決定結婚了。我的未婚夫，就是那個我想共度餘生的人！」結婚日開始倒數，昨日佢就同一班姊妹開告別單身party，靚女都係同番靚女做朋友，姊妹團個個都咁高質！

同場加映： 叠影狙擊丨郭政鴻慶幸功夫底成御用反派 不反對兩女入行：夢想要有底線

{{hket:ul-video id="9602"}}{{/hket:ul-video}}

蔡嘉欣近日不停分享佢婚前變靚資訊，務求做個完美新娘！而大家好期待嘅姊妹名單都終於出爐，當中包括「拜金群組」成員陳詩欣、何依婷、譚嘉儀（Vivi）同埋鍾晴，之前曾經有網民指何依婷的社交媒體留言，「本身幾鍾意你，又靚又叻又純，點知原來你同呢班拜金女咁frd，真係形象Byebye」，不過蔡嘉欣也毫不示弱，直接反擊網民「因為同我哋做朋友就唔鍾意Regina啦？傷心！」甚至仲有網民指摘蔡嘉欣帶陳詩欣離開TVB。

{{hket:inline-image name="4.png"}}{{/hket:inline-image}}

蔡嘉欣之後於社交網繼續反擊，無奈表示自己原來是壞女孩代表，還標籤了何依婷同陳詩欣，喊話讓她們不要被自己帶壞，更似略帶氣憤地表示：「咩都關我事我好忙呀！」而陳詩欣同何依婷都有出言維護好姊妹，而呢件事都無損佢哋友誼，真係情比「金」堅。不過就竟然冇佢「姊妹淘」嘅好姊妹吳若希、王子涵同莊思敏。之前曾經同吳若希傳不和，不過其實蔡嘉欣friend到會去吳若希屋企過夜，完全係估佢唔到。

而姊妹中唯一一個圈外人就係蔡嘉欣親生家姐Nicole，Nicole外形喺一眾藝人入面一啲都冇輸蝕，有啲似已故才子黃霑女兒黃宇詩，而佢身形更加係禾稈冚珍珠，撼低晒包括妹妹嘅在場一眾女性，上圍超豐滿！唔少網民都表示好期待蔡嘉欣婚禮，相信到時一定衣香鬢影，畫面超靚！

圖片來源：Instagram