方媛宣傳香港旅遊郭富城幫手？ 水上樂園大跳「上身舞」好違和

36歲方媛同大佢22年嘅天王郭富城結婚後誕下兩名女兒，入門之後就冇再做model工作，一直都養尊處優，專心相夫教子。不過方媛都有偶然出席下fashion show等公開活動，日前仲似乎為政府拍下宣傳片，唱好香港旅遊業。

同場加映： 叠影狙擊丨郭政鴻慶幸功夫底成御用反派 不反對兩女入行：夢想要有底線

{{hket:ul-video id="9602"}}{{/hket:ul-video}}

方媛post出一條跳舞片，留言：「香港的雙倍驚喜和浪漫魔法藏在哪？#你好香港# 這次與我一起來發現香港的精彩無限吧！#香港美酒美食開趴（Party）了。」片段開始時方媛喺迪士尼樂園，一現身就同米奇老鼠high five，身穿連身粉紅花花裙，頭戴米奇粉色頭箍，洋溢可愛少女氣息。

{{hket:inline-image name="12.JPG"}}{{/hket:inline-image}}

之後鏡頭一轉佢就去到海洋公園，造型係白色喱士透視上衣配barbie粉貼身短裙，似足OL上班族嘅裝束，同身後水上樂園嘅景色相當違和，有網民都忍唔住留言：「第一套裙子更好看，更符合主題。」

而另一個亮點就係方媛嘅舞蹈，天王嫂落力演出，雖然只有上身郁動，就算幾大動作下身都係不動如山，舞姿有啲生硬，不過就用可愛同努力搭救，大家都有讚冇彈。又有人問方媛嘅舞蹈係咪老公為佢度身訂造，又有網民留言表示希望睇到佢同老公跳雙人舞：「帶上城城一起跳吧，這樣更有意思，喜歡你們。」，方媛都大方回應畀希望大家：「下次有機會。」

圖片來源：Instagram