討論區狂推吳偉豪上男一位置 網民點名三位小生 名人之後：受寵若驚

近年無綫劇集中常見到馬國明、陳豪的身影，而今年劇集兩人都分別主演三套劇集，曝光率甚高。不過，近日就有網友在討論區出post，指無綫應給予多些機會年輕的演員，當中更點名吳偉豪，黃庭鋒及阮浩棕，指三人無論外在及內在條件都不錯，應多加力捧。

同場加映：叠影狙擊丨郭政鴻慶幸功夫底成御用反派 不反對兩女入行：夢想要有底線

{{hket:ul-video id="9602"}}{{/hket:ul-video}}

有網友在討論區出post，題名為「無綫應該畀吳偉豪，黃庭鋒同阮浩棕做男一，豆瓣網民都想睇佢哋多啲」，內容指：「好多人都話來來去去都係馬明，陳豪，但係我覺得年輕嘅好似吳偉豪，黃庭鋒同阮浩棕都靚仔呀，而且戲又唔錯，點解無綫唔畀佢哋做男一？睇豆瓣，呢三位靚仔觀眾緣都幾好，討好，應該俾多啲機會佢哋做主角啦，你哋話呢？」

{{hket:inline-image name="324072556_2467273530107685_9137545878633399663_n.jpg"}}{{/hket:inline-image}}

有不少人表示認同，「我都睇好吳偉豪，演技有進步」、「我都覺得係，吳偉豪Keep住咁進步，指日可待」、「黃庭鋒其實外型靚仔有型，可惜唔係咁多劇拍，好嘥，明明靚仔」、「黃庭鋒在外國讀書，回流英文日文都好流利，有點紳士感覺，又運動健將，其實各方面條件都好好，但等吓一年等下一年⋯」、「阮浩棕今年都有好多劇拍，可以畀多啲機會」、「阮浩棕演正派反派都得」。

{{hket:inline-image name="DSC00977-3_600.jpg"}}{{/hket:inline-image}}

{{hket:inline-image name="339689371_757238142715837_5113076746339826030_n.jpg"}}{{/hket:inline-image}}

黃庭鋒接受《晴報》訪問，指多謝網友支持，「開心多過受寵若驚，網民支持都好緊要，最緊要觀眾希望喺電視見到我，我都希望可以參與多啲劇集演出。」

他又指自己好想遇到一個有發揮的角色，「想做到亦正亦邪、比較立體的角色，又想拍動作喜劇，想吊威也、打筋斗、show到身手。」問到黃庭鋒是否ready做男主角，他笑言：「之前拍過《OPM》做男主角，角色都好立體同有好多發揮。雖然有好多嘢需要學習，但心態上係ready做男主角！」

{{hket:inline-image name="348617554_267618329088513_6702483810354629872_n.jpg"}}{{/hket:inline-image}}

35歲的黃庭鋒在2016年主持《體育世界》入行，外表陽光正氣的他備受無綫力捧。除了曾到北京為冬奧擔任外景主持外，拍劇方面亦有突破，在《OPM》中首度升呢男一。而他在《把關者們》飾演的消防員角色，亦大獲正評，劇中角色殉職，更是搞喊不少網民。

至於現年25歲的吳偉豪，憑《愛‧回家之開心速遞》「朱凌凌」一角成功入屋，更憑此劇及《回歸》於《萬千星輝頒獎典禮2022》獲得「飛躍進步男藝員」獎。他亦有份主演未播出的《非常檢控觀》。

{{hket:inline-image name="343447750_250105007513018_8904633981635933203_n.jpg"}}{{/hket:inline-image}}

33歲的阮浩棕（Nicholas）出身自演藝世家，是「星三代」。他嫲嫲是已故資深女星梁舜燕，父親阮惠源是前亞視監製。2013年畢業於香港科技大學的他本來打算投身銀行界，後來因修讀了香港科技大學舉辦的「音樂與戲劇」課程，而對演員產生興趣，同年投考第27期無綫電視藝員訓練班。入行後，他主力主持無綫兒童節目《Think Big 天地》、《Think Big 大明星》及《Think Big 遊學團》，至2017年離巢。在2020年，阮浩棕重返無綫，角色戲份漸重，今年有份拍《隱形戰隊》、《隱門》及《靈戲逼人》，他在這三套劇中的戲份亦很重，有不少發揮。

{{hket:inline-image name="403920570_787753306443853_3465123742839700210_n.jpg"}}{{/hket:inline-image}}

阮浩棕接受《晴報》訪問，指自己受到觀眾支持，感到受寵若驚，「始終都係喺今年嘅《隱形戰隊》、《隱門》同《靈戲逼人》先開始有表現畀大家留意到，無諗過網民嘅反應會咁正面。能夠得到網民認可同期待我做男一，我好感恩，多謝大家。」

{{hket:inline-image name="375890805_325301716580915_8582416746463065853_n.jpg"}}{{/hket:inline-image}}

不過阮浩棕指自己唔心急做男一，「我自己當然想做到男一啦，但我唔心急嘅，始終明白仲有好多嘢要學習同提升。其實喺最近拍攝嘅單元劇《非份之罪》入面，我都喺我負責嘅五集故事入面初嘗男一嘅感覺，而且面對嘅壓力都唔細！所以我會繼續裝備自己，等未來有機會做男一嘅時候，可以有對得住呢個位置嘅表現同演出。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：IG