毛舜筠與《畢打自己人》慶63歲牛一 凍齡「殷賞」Mo姐靚樣15年不變

今個月5號係毛舜筠（毛姐）嘅63歲生日，出名喺圈中人緣極佳嘅佢由生日正日開始不斷相約親朋好友慶祝，早前仲同老公去日本旅行度假，非常sweet。呢日佢就撇甩成日出雙入對嘅老公，同《畢打自己人》、《天天天晴》班底部份演員餐聚兼為11月之星慶生，畫面相當溫馨！

同場加映：

萬千星輝賀台慶丨《東張》女神谷胸露腿搶晒花旦風頭 洪永城疑家有喜事再做老竇

{{hket:ul-video id="9615"}}{{/hket:ul-video}}

Mo姐Post出同眾人合照，許願照中仲見到佢身後有一大束鮮花，留言:「我的弟妹，自2008年合作相識至今，難能可貴的友誼 #繼續慶祝生日月」。相中見到出席嘅朋友分別有李思捷、徐榮、趙希洛和陳茵媺，係處境喜劇《畢打自己人》、《天天天晴》嘅班底，估唔到劇集已經播出咗15年，眾人感情依然咁好，真係非常難得！

{{hket:inline-image name="Whats.jpeg"}}{{/hket:inline-image}}

唔知係咪處境喜劇特別襟老，眾人都好似冇咩點變，生咗三個小朋友嘅陳茵媺則綁起丸子頭，仲係成個少女咁；而之前一直做閒角嘅徐榮都係因為處境喜劇彈起，外形同樣十年如一日，保養得好好。

Keep得好當然唔少得Mo姐，當年佢飾演叫「殷賞」嘅老總角色，女強人個性令人非常深刻，而戲外嘅Mo姐同樣都係事業型女性，Keep住喺幕前出現但咁多年都見唔到出現老態，令人羨慕！唔少網民都話好喜歡呢個組合，留言：「最愛《畢打自己人》。」、「嗰陣《畢打》真係日日追，因為好鍾意感情細膩嘅實況劇」、「《畢打》真係好好睇」等等。

圖片來源：劇集截圖、Instagram