鍾欣潼前夫賴弘國經歷「男人最痛」 醫界王陽明大方公開變盧冠廷經過

鍾欣潼（阿嬌）前夫、有「醫界王陽明」之稱的醫生賴弘國，在去年2月與第三任妻子Alice奉子成婚，8月即誕下兒子。賴弘國外型可以話係完美，有身形又靚仔，簡直可以媲美明星，不過原來佢都正經歷緊「男人最痛」。

同場加映：叠影狙擊丨郭政鴻慶幸功夫底成御用反派 不反對兩女入行：夢想要有底線

{{hket:ul-video id="9602"}}{{/hket:ul-video}}

賴弘國日前同太太出席婚宴，相中見到佢造型大變，以前會梳油頭嘅佢竟然剪咗一個陸軍裝，不過而家兩頰同下巴就留有性感濃密嘅鬍鬚，霎眼睇有啲似歌手盧冠廷以及網絡紅人「思覺老師」。睇翻佢嘅社交平台，佢有呢個咁大嘅轉變原來係因為佢經歷緊「男人最痛」，為咗呢樣嘢仲做咗一個重大決定……

{{hket:inline-image name="What.jpeg"}}{{/hket:inline-image}}

賴弘國甚少更新社交平台，早前佢上載戴超且滿面鬍鬚造型，配上背景紅光一片，第一次以光頭Look現身，並發文：「生髮戰士 #鼓起勇氣植起來 #第一個父親節禮物。」原來佢係去咗做紅光治療植髮，大方分享係做完植髮手術嘅修復。佢太太Alice非常支持，留言：「這個男人太狠了。」賴弘國都對自己新Look好滿意，仲話自己似荷里活男星Jason Statham，好有自信！

網民都大表驚訝，留言指：「無偶包無誤」、「看不出原來你沒頭髪」、「看不出有禿」。其實睇翻賴弘國舊照，佢同阿嬌結婚時頭髮依然好濃密，不過髮線都係比較高；近年則比較稀薄，不時會戴帽遮掩，都有網民問過佢係咪有初禿，然而其實近鏡都未見脫髮情況嚴重。唔知本身係醫美中心老闆嘅佢係咪容不下自己有少少不完美，先會決心植髮呢？

圖片來源：Instagram