吳家樂效力無綫30年突然宣布離巢 《鐵拳英雄》苦操冇提名罕「放負」

近年唔少無綫藝人離巢外闖，現年51歲的吳家樂效力無綫多年，活躍於幕前，近年唔少劇都好重戲份，但一直都係配角。今日佢突然於IG宣布離巢，唔少網民都表示估佢唔到。

同場加映：

萬千星輝賀台慶丨《東張》女神谷胸露腿搶晒花旦風頭 洪永城疑家有喜事再做老竇

{{hket:ul-video id="9615"}}{{/hket:ul-video}}

吳家樂post出自己多年來演出片段嘅大集合，感慨留言「有幸能效力陪伴好多人成長的電視台30年。多謝TVB給予我演出機會，由幕後音響組、搞笑扮嘢、節目主持、拍攝劇集，實在有太多美好回憶了。謝謝多年來合作過的單位。特別要多謝Jazz文偉鴻監製，大膽地給予我有極大發揮嘅角色，每次開劇都給予我演出機會，能夠參與到你咁高水準嘅作品實在獲益良多。還有Andy陳耀全監製和廖晉碩監製。最後要多謝珍姐同全哥。一個段落的完結，便是另外一個段落的開始！」

{{hket:inline-image name="331000279_2203930233328737_7034832894967641668_n.jpg"}}{{/hket:inline-image}}

童顏吳家樂去年於《鐵拳英雄》中飾演Big Boss大反派路向東，苦練一身強勁鋼條肌肉，唔少觀眾都好佩服已經半百嘅佢喺劇中打到咁狠，相信一定下了不少功夫。可惜呢個角色並未有為佢帶嚟任何殊榮，《萬千星輝頒獎禮》中零提名，吳家樂少有「放負」，上載IG《鐵拳英雄》路向東劇照，並用紅字寫上：「路師父（傅），我欠你一個交代。」感慨說：「還需努力，《鐵拳英雄》路向東，是我2022年『自己』最喜愛的角色。」不過好快吳家樂就刪post。

吳家樂可以話係無綫「好使好用」嘅全能藝人，由早期拍第一部劇《阿Sir早晨》和演出綜藝節目《歡樂今宵》等；以至於近年《愛回家之開心速遞》入面飾演金家樂，於《鐵拳英雄》、《隱形戰隊》等多套劇集都有重要戲份，而佢現今於TVB仍有一套劇集《奪命提示》尚未推出。

吳家樂係無綫初代「駙馬爺」，雖然「唔憂做」，做事一直謙虛低調，默默耕耘。2005年初吳家樂與其士集團主席周亦卿女兒周蕙蕙秘密相戀，直至2006年1月，二人在香港婚姻登記處排期註冊結婚時，戀情才曝光。2006年3月19日與周蕙蕙正式結婚，並於金鐘港島香格里拉酒店舉行婚禮及筵開12席，宴請雙方親友。由梁思浩擔任伴郎及司儀，周蕙蕙的妹妹則擔任伴娘。二人現時育有三名子女：長女及雙胞胎兒子。

圖片來源：Instagram