甘比大女捧《亞洲超星團》15歲選手 劉鑾雄孻女派物資露驚青樣

劉鑾雄太太陳凱韻（甘比）雖然貴為香港女首富，不過基層出身的甘比生活貼地，仲不時帶子女做善事，身體力行參與社會公益活動。日前佢就帶5歲孻女Josie去到深水埗派物資，不過相中Josie就明顯有啲驚青，冇家姐細個出活動時咁從容。

同場加映： 叠影狙擊丨郭政鴻慶幸功夫底成御用反派 不反對兩女入行：夢想要有底線

{{hket:ul-video id="9602"}}{{/hket:ul-video}}

甘比不時同三名子女身體力行參與社會公益活動，早前就帶細女去到「秀樺廚房」派物資予弱勢社群，畀女兒知道自己都可以出一分力助人。甘比留言：「我們與民政及青年事務局合作的青年宿舍 — #仲學舍（兒子名義）申請十分熱烈，招租成績理想，短短2至3個月期間已經出租差不多9成單位，入住率亦差不多近7成。青年住客都滿意 #仲學舍 居住環境及深水埗價廉物美的美食。今日我帶小女兒Josie 和一班年青的 #仲學舍 住客在『秀樺廚房』派發物資給基層家庭，年青人的活力及幹勁深深感動了我。」Josie唔知係咪唔係好習慣面對咁多人，面無表情，而媽咪甘比就對受眾非常友善，笑容可掬。

{{hket:inline-image name="WhatsAp.jpeg"}}{{/hket:inline-image}}

近年劉鑾雄夫婦開始唔介意畀三名子女露面，仔仔仲學之前亦曾經為公益慈善推出桌上遊戲，仲一家人一齊出席活動支持；而秀樺雖然開始大個女，但依舊好黐媽咪，不時同佢出席社交活動，日前就同英國藝術家Mr Doodle見面，令人羨慕！秀樺亦好似一般青少年咁頻繁更新社交平台，原來佢都有留意無綫與內地聯手製作偶像選秀節目《亞洲超星團》，佢噚晚post出方玉亨（Atilla）嘅相以示支持，真係估佢唔到。

現年15歲嘅方玉亨（Atilla）同秀樺年紀相若，其實係名模歐陽妙芝嘅孻仔，相信二人係世交。Atilla由於未成年，歐陽妙芝全程陪佢受訓，Atilla志在參與、學習同享受過程，Atilla見到其他選手勤奮，都激發到佢要更加努力，唔知有秀樺嘅「加持」，會唔會有助佢提升人氣呢？

圖片來源：INSTAGRAM