何超雲身材大縮水索爆晒白滑肩 與未婚夫孖四房細佬齊齊睇賽車？

2023澳門格蘭披治大賽車昨日落幕，吸引到唔少名人去見證冠軍誕生，其中已故賭王何鴻燊三房千金何超雲就喺社交平台分享男友視角靚相，心情大好呀！

同場加映：叠影狙擊丨郭政鴻慶幸功夫底成御用反派 不反對兩女入行：夢想要有底線

{{hket:ul-video id="9602"}}{{/hket:ul-video}}

現年34歲嘅何超雲自2013年與大佢12歲嘅藝人陳山聰分手後就變得深閨，鮮有現身公開活動，直至近年先開始多咗update IG，仲不時post出佢同任職高級消防隊長嘅未婚夫Douglas嘅合照。兩人6月更拍拖於澳門出席活動，首次合體公開亮相，認定對方嘅超雲尋日又再post出同未婚夫合照。

{{hket:inline-image name="Wh.jpeg"}}{{/hket:inline-image}}

超雲只係簡單打上賽車emoji，天氣雖然已經漸凍，但超雲只係着上單薄長袖上衣，一邊係大露肩，肌膚白滑無瑕之餘，身形比起十年前仲係少女嘅時候弗咗好多，好似仲後生咗，相中超雲展露自信笑容，真係靚爆鏡。另一張相就見到超雲下身打扮原來好casual，只係着上一條淺灰色棉褲，未婚夫Douglas同樣都好樸素，喺旁邊輕輕扶住超雲後腰，非常sweet。而企喺超雲另一邊就似乎係一位年輕外國車手，霎眼睇靚仔樣同超雲嘅四房弟弟何猷君有啲相似，皆因何家葡國血統都有混血靚樣，不過睇真啲超雲身旁嘅車手就生得比較高，同Douglas平頭。

同場嘅郭富城以特邀車手身份加入殼牌捷凱領克車隊（Shell Teamwork Lynk & Co Racing），出戰「澳門房車盃—CTCC中國汽車場地職業聯賽」，首回合做出個人最快圈速，尋日於次回合戰至到第5圈發生意外，於葡京彎出彎時戰車失控「甩尾」，結果撞上另一香港車手結果兩人雙雙退賽，郭富城最後更被大會加罰30秒。

圖片來源：Instagram