台慶綵排丨阮浩棕大爆呔露白底現晒形 徐文浩拗柴揸拐杖 啪消炎藥頂硬上

何廣沛、阮浩棕、徐文浩、鄭衍峰、孔德賢、林正峰和劉頌鵬今日在電視城，為無綫台慶排練耍劍環節，殊不知，阮浩棕和徐文浩齊齊練到褲爆呔，隱約看到阮浩棕的白色內褲，徐文浩的黑色內褲，認真尷尬！

同場加映：

冰上火花丨大細B打正旗號闖更衣室影肌肉男 岑樂怡黃可盈各自增值做「入屋」演員

{{hket:ul-video id="9545"}}{{/hket:ul-video}}

兩人爆呔後受訪，指練習在一個月前開始，已練了7、8次，阮浩棕說：「呢條褲係噚日先至試，當然係想有型、整體性一啲，佢哋（服裝設計）知道我哋係耍劍，但唔知我哋落個馬步落得咁足，佢哋冇預計到條褲需要擘到咁大；噚日試褲嘅時候，我都有講條褲唔夠大，落唔到個馬步，我都反映咗個問題，佢哋都盡量修改咗，但係都…仍需努力啦！」

{{hket:inline-image name="DSC07818.jpeg"}}{{/hket:inline-image}}

剛才練習時，感覺到下身涼浸浸？阮浩棕笑說：「係呀！落第一下（馬步），就聽到『嚓』，跟住就弊喇！頭先耍畀記者朋友睇好尷尬，我盡量夾住；而家預咗呢個尷尬問題，相信到時發生風險嘅問題會低啲。」會否要求再修改？徐文浩說：「一定會改。」兩人笑言自今次尷尬的經歷，表演時一定會穿打底褲。

換褲後，見到徐文浩撐住拐杖走路，原來他的左邊腳踭又紅又腫，他解釋：「我自己想練習練多啲，係我自己整親，因為我落地攞得唔小心，咁就扭親咗隻腳，我問過物理治療師，佢叫我休息多啲，呢幾日我盡量多啲複診，同埋食多啲消炎藥，到時做好晒安全措施我先至會上台。」至於有份表演耍劍的何廣沛，他表示：「冇話驚唔驚爆呔，可能著多條黑色打底褲，因為到時個台暗暗哋，就算爆咗都唔覺。」

同場還有鄺潔楹，她透露台慶當晚會表演hip-hop。提到阮浩棕、徐文浩耍劍耍到爆呔，鄺潔楹說：「我睇唔到呀，但而家知道有佢哋呢個意外之後，我聽日會著全套衫試一試，雖然我嗰件衫唔係好性感，但我哋啲動作好大，我哋件衫都露腰嘅，一啲舉起手嘅動作，會唔會令到件衫『雪』咗上去呢？我真係要試一試件衫，無論走唔走光都好，我都會打足底。」

採訪：黃曉妍
攝影：林嘉銘