由黃宗澤、周秀娜及黃浩然領銜主演、還有朱鑑然、郭政鴻、關禮傑、盧慧敏、張慧儀及胡卓希演出的劇集《叠影狙擊》中，演員名單中還有蔡穎恩。她今次接受新挑戰，飾演患有「斯德哥爾摩候群症」的富家千金涂文雅。以往有過不少演出經驗、飾演過不少角色的她，為演好這個患病富家女，專程邀請戲劇導師兼舞台劇演員甄詠蓓進行補課。
同場加映：冰上火花丨大細B打正旗號闖更衣室影肌肉男 岑樂怡黃可盈各自增值做「入屋」演員
由於這次角色都幾考演技，蔡穎恩接到劇本後提早做準備功夫，她說：「拍攝和上堂前，我上網做咗啲資料搜集，知道有啲人正受到呢個病嘅困擾，每個人病況唔同，戲中嘅我有時會嘔吐、有時會好驚恐、好緊張，肢體上嘅表達需要多啲揣摩，因為唔想做到畀人覺得似撞鬼、撞邪，所以搵咗Olivia（甄詠蓓）老師補課，針對性去研究呢個角色，點樣可以做得更好、更加立體。」
叠影狙擊 X 冰上火花｜朱鑑然上位「打自己」現身兩台劇 機智黑客VS執着爸爸 反差勁大【下一頁】
叠影狙擊｜孖妹鄭寶鄭貝演周秀娜小時候 JJBaby曾赴韓受訓升呢Jennie師妹【下一頁】
劇情講述蔡穎恩被綁架，期間被強逼睇很多關於人類污染地球的片段，雖然最後成功被救回，卻證實患上「斯德哥爾摩候群症」，自此性情大變，尤其對現代化電子產品產生莫明恐懼，甚至出現身體不適等嚴重反應，更搬到偏僻的郊區居住。
蔡穎恩演出時花上了不少氣力，所以都幾辛苦：「角色病發時會嘔，剛才拍咗一場我病發嘅戲，cut機之後真係有一種虛脫嘅感覺。我只係拍攝，之後就可以將自己抽離呢種感覺，真係有呢種病嘅人，可能無時無刻都會有唔同嘅嚴重反應，所以如果身邊有人係斯德哥爾摩候群症嘅患者，要好好關心和協助佢哋。」
撰文：王連連
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】