TVB處境劇《愛回家之開心速遞》中飾演「英進」的招浩明,在今日(11月11日)迎娶圈外女友Sophia,延開22圍,一眾圈中好友都有到賀。招浩明請了8位兄弟,當中有6位都是圈中好友,包括「金城安」周嘉洛、「朱天梯」梁証嘉、「朱凌凌」吳偉豪、「仇奇」關曜儁、「歸蜀明」繆家慶和譚焯升。
同場加映:馮德倫大讚Meme伯尷尬笑好過癮 自爆財政全權由老婆舒淇揸fit
婚禮在中環美利酒店舉行,招浩明與Sophia的親友在中午到場觀禮,由蔡國威擔任主持。現場可見,賓客當中有不少是《愛回家》及《寵愛Pet Pet》的演員,如湯盈盈、「細龍生」鄭世豪、葉蒨文、林夏薇、史穎喬、陳詩欣、阮政峰等。而「旦哥」鄭丹瑞亦有到場,招浩明與一眾兄弟即刻與旦哥合照。
新娘子進場前,在遠處的招浩明已經眼紅紅,感動落淚。而兩人交換戒指前,兩人的愛犬Romeo登場。Romeo在《寵愛Pet Pet》中飾演「冬甩」,是林夏薇的愛犬。今次Romeo擔任重要的角色–花仔,負責送戒指畀爸爸同媽媽。Romeo非常活潑,在訓練員的指導下,順利將戒指「送」到台前,而「汪聲仁」周嘉洛則負責將戒指從Romeo頸上除下。有趣的是,阮政峰在場為Romeo配音,仿如將Romeo心聲說出,仿如《寵愛Pet Pet》的劇情一樣。
招浩明與Sophia接受《晴報》訪問,對於籌備多時的大日子終於到來,這對新婚夫妻直言好感動,Sophia表示:「我哋好感動,我好眼淺,我知自己今日會喊好多次,但無諗過會喊到講唔到嘢,仲要唞一大啖氣先講到⋯每句說話都好重要。」而招浩明就指自己忍唔住喊,「我就試過叫自己唔好喊,一去到Moment控制唔到,不過係開心嘅感動,等咗呢個Moment好耐。好彩結婚安排都算順利,同埋雨過天晴。」
提到最擔心會否是愛犬Romeo出場?Sophia即指囝囝好乖,「做咗綵排,佢好醒,身經百戰,佢衝出嚟嗰吓好開心,可以帶來好多歡樂。有叫佢乖仔,每個星期都有訓練,雖然佢肥咗少少,但佢件衫仲著得落。」兩人直言對愛犬的表現畀100分。
談到婚後生活,兩人指要休息一下再去度蜜月,會想去一些文化同歷史地方。至於會否生小朋友?兩人都表示好鍾意小朋友,招浩明指:「隨緣,好鍾意小朋友,最想一仔一女,計埋Romeo兩仔一女。」而Sophia則表示:「我都鍾意大家庭,大家都有兄弟姊妹,一仔一女幾好!」兩公婆一唱一和,非常Sweet。
立刻加入《晴報》WhatsApp頻道,獲取最新娛樂、健康及著數資訊,仲有送禮活動!
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
攝影、採訪:楊安莉
撰文:娛樂組