麗英將於12月5日首次舉辦個人音樂會《MOOV Live麗英》，她坦言以往表演，都總有一大班朋友一齊分擔，今次獨擔大旗難免會有壓力。由「小薯茄」YouTuber搖身一變成為歌手，麗英坦言大感幸運，也感激自己豁出去嘗試及團隊背後的努力，路就自然可以行出來。今次音樂會，麗英透露將會反璞歸真以「原始」的一面呈現，莫非要素顏示人？
同場加映：馮德倫大讚Meme伯尷尬笑好過癮 自爆財政全權由老婆舒淇揸fit
麗英表示今次音樂會由她的故事作為依歸，除了她演繹自己的歌曲外，還會加插她最愛的動漫歌曲和日本流行曲，全部都是陪伴她成長的音樂拼圖。至於嘉賓方面，麗英早前在記者會上率先開名拒絕同門組合FINALLY上台，「FINALLY係後輩，新人要畀多啲磨練，所以唔可以咁容易就有舞台，多多向我學習先，一定冇可能係FINALLY，如果有FINALLY，我音樂會宣布改期！其實嘉賓真係未確實，我DM咗Taylor Swift同Justin Bieber，希望佢哋盡快覆我啦！至於Ian陳卓賢一向係終極目標，但我怕嚇親佢。」
麗英熱愛唱歌表演努力追夢 自爆試過漏M搞到差點遲到【下一頁】
由「小薯茄」到成為獨立歌手，麗英認為這種圓夢的感覺好神奇，「一開始玩真係冇諗咁多，大家開心就表演一下，到而家真係有機會做歌手，仲有機會開騷，我真係覺得好幸運。」麗英感激老闆高江凌的鼓勵，將唱歌的興趣落實去嘗試，「佢叫我試吓作歌去派台，原來啲嘢唔好諗咁多，路就會慢慢行出嚟！中學年代都鍾意唱歌，不過唔會諗做歌手，因為以前好多人會覺得唔好發明星夢，讀大學搵份好工最好。」
而麗英在中學獻唱的影片仍然在YouTube流傳，以結他自彈自唱充滿信心，她笑言當年抱住一個心態，就是不想中學留有遺憾，於是硬著頭皮衝出去，回看這些片段，麗美笑言：「開頭真係好介意，面對唔到自己咁幼嫩，又冇化妝，我而家有偶像包袱呀嘛！」
提到偶像包袱，麗英以往的歌手造型都相當誇張，充滿日本動漫的氣息，今次轉換全素色的打扮，感覺變得不一樣，她預告演唱會將會帶來驚喜，「平時造型太得意，今次反璞歸真，畀我原始美貌畀大家睇，（素顏？）咁又唔得，呢個預算唔慳得，我會希望日系簡樸打扮襯番初心，同平日誇張動漫造型唔同。」她雖然身形細細粒，不過樂於嘗試不同的造型，自詡腰短比例上腿長，所以都膽敢挑戰長褲或長靴，只要有自信，所有造型都可以挑戰。
「小薯茄」麗英新歌邀請前輩拍MV 又跳又笑喚醒馮素波心中的美少女【下一頁】
麗英坦言過往家人和朋友一直都支持她的發展，媽咪雖然不太理解YouTuber的工作，但見她能夠自給自足，從來都不會反對。她直言唱歌彈結他都是源於家人，今次音樂會已經為他們預留門票，希望他們可以見到她台上發光的一刻。「平時喺屋企我就靜少少嘅，因為出面已經放晒電，我覺得係基因問題，屋企人同我一樣都好容易笑，佢哋諗嘢唔可以話好正面，係好奇怪，不過心應就比較知足，令我會因為好小事而開心。平時同朋友去野餐、游水、行山已經好開心，冇錢有冇錢玩法，喺我心目中，人同人之間相處係令我最有力量嘅時刻。」
麗英感激不少粉絲的支持，每當稍稍有情緒低落時，見到他們的留言打氣，她都大感窩心。她坦言由YouTuber兼顧歌手工作不容易，「始終YouTube Channel出身，同大公司出身唔同，可能會覺得呢個定位好奇怪。有啲Channel觀眾會質疑係咪認真做音樂呀？所以呢條路好難，亦唔可以心急，要用時間證明，見到呢啲留言的確係傷心，但Channel係用200%心力去做歌，由頭學習去派台宣傳或者做音樂，慢慢摸索，所以呢個騷係一個好好里程碑，幾辛苦都值得。」
MOOV Live 麗英
日期：2023年12月5日
時間：晚上8時15分
地點：旺角麥花臣場館
票價：$880 / $680（全場座位）
購票：https://venue.cityline.com/utsvInternet/internet/eventDetail?event=42694&actionType=5&lang=TW&lang=TW
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
化妝：Deep Choi @deepmakeup
髮型：Chorus Ko @mmaveda
服裝：制服美學 @euniformation
攝影：林賓尼
撰文：楊安莉