《白日之下》票房衝破500萬 古天樂感謝台前幕後助圓夢

新片《白日之下》上映後好評如潮，踏入上畫第二周首日（9日），單日票房收超過45萬，比起開畫日（2日）票房升幅超過兩成。《白日之下》累積票房亦成功衝破500萬，上畫第9日的觀眾人數較開畫日更多，以港產片來說情況實屬罕見，證明香港觀眾願意購票支持本土電影！

同場加映：

中年好聲音｜曹敏寶事業愛情兩失陷情緒病低谷 靠老友走出陰霾：放下執念好重要

{{hket:ul-video id="9516"}}{{/hket:ul-video}}

{{hket:inline-image name="q4.png"}}{{/hket:inline-image}}

{{hket:inline-image name="DSC0462.jpg"}}{{/hket:inline-image}}

電影公司日前舉行慰勞宴，答謝台前幕後一班工作人員，古天樂、監製爾冬陞、導演簡君晋、演員余香凝、梁仲恆、梁雍婷、陳湛文、周漢寧、寶珮如、譚玉瑛及羅浩銘，以及電影主題曲《日光漂白》的主唱者黃妍等，電影團隊上下難得齊人，大家集氣期望更多觀眾入場支持，票房越升越高。

古仔百忙之中現身慰勞宴，鼓勵團隊繼續努力，黃妍亦應大家要求即場獻唱主題曲。古仔聽畢有感而發，感謝團隊助其圓夢：「多年前我已經跟爾冬陞講，想拍一部類似佢當年嘅作品《癲佬正傳》，一樣咁有社會性嘅電影。好感謝台前幕後完成呢部《白日之下》，電影亦話畀觀眾聽，我哋香港電影人係有心、有能力拍一部好作品。」而爾冬陞亦再次公開感謝古仔和導演：「要多謝阿簡，因為我做監製，要放棄好易，如果唔係導演包括兩位編劇嘅堅持，佢哋不斷改劇本，再集合天時地利人和，電影唔會出現，呢部戲搵到第5間公司先有投資去開拍，古仔睇完劇本無考慮好耐，佢從演員角度覺得套戲好，再次多謝兩位。」

{{hket:inline-image name="Untitled-714.jpg"}}{{/hket:inline-image}}

余香凝及梁雍婷憑電影分別獲提名《金馬獎》影后及最佳女配角，梁雍婷表示：「我哋成team人都好有士氣，由拍攝到而家都係超級有愛嘅團隊，大家喺無論咩場合，都互相支持。」余香凝亦指電影感染身邊很多人：「呢個士氣唔止我哋，更帶動到整個電影圈，身邊所有觀眾、朋友、所有人，睇完都會幫我哋分享叫人入場睇，好神奇，好感激全部人都幫助我哋。」其他演員亦獲觀眾讚賞，陳湛文說：「小弟睇咗2次，第2次喊得勁過第一次，大家想搵個情緒出口，就入場睇多幾次。」周漢寧說：「身邊朋友都喺度討論套戲，或者套戲帶出嚟嘅議題，我覺得已經成功帶出一套電影嘅功能。」寶珮如說：「好開心，第一次演咁惡嘅看護，得到咁多認同，多謝導演、監製、一眾演員，希望多啲觀眾支持我哋香港本土電影。」

阮小儀外婆離世 來不及見最後一面  「對唔住冇及時再抱一抱你」【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片來源：大會提供