由陳國坤、陳小春主演，宋本中執導的網劇《反黑》，自2017年播映以來，獲得一致好評，全球各平台累計播放次數約達50億。相隔6年，《反黑2》終於開拍，由陳欣健和樂易玲擔任總監製、陳國坤、宋本中和陳元正任監製之職。
同場加映：中年好聲音｜曹敏寶事業愛情兩失陷情緒病低谷 靠老友走出陰霾：放下執念好重要
在《反黑2》發布會上，大會透露製作費耗資超過2億港元，除了主要演員陳小春、陳國坤、張建聲、吳岱融、王合喜、彭敬慈、彭懷安、黃伊汶外，《反黑2》將加入新角色，包括謝天華、陳山聰、陳瀅、陳敏之、陳煒等等。
黃依汶囝囝越大越型超有明星相 價值$1200陳國坤陪陳真畢業【下一頁】
對於有報道指，劇組有意邀請奧斯卡兩大影帝羅拔迪尼路及《沉默的羔羊》的安東尼鶴健士加盟，陳小春笑問：「傾緊係咪呀？我唔知呀！」謝天華說：「以我所知，佢哋曾經係接洽過，因為喺劇本裏面，有啲劇情係需要外籍演員，如果係搵都搵啲大家又熟悉又鍾意嘅演員，可以加入就真係錦上添花。」陳國坤則說：「唔係我哋官方講，當然你問我，我梗係想啦，淨係一個羅拔迪尼路，我哋成個投資都唔夠畀佢，但我哋搵啲大家都認識嘅外籍演員。」問到太太黃伊汶是否因為老公陳國坤的作品才答應演出？她說：「其實為咗好玩，加上《反黑》有咁好反應，同埋大家一班朋友去開工，的確係好開心。」問到她的片酬是否友情價？陳國坤說：「其他人都咁友情，我老婆點可以唔友情，私底下我份片酬都畀晒佢，其實佢收兩份片酬，反而我冇，幾著數。」黃伊汶笑說：「咁又係喎！」
晚吹 - 有酒今晚吹丨張建聲拍戲無法抽離曾做傻事 黃秋生金石良言更勝精神科醫生【下一頁】
在劇中飾演「招積」一角的張建聲，又癲又喪，給人一種不寒而慄的感覺，對於《反黑2》終於開拍，他開心地說：「等咗6年喇，好感恩，因為冇『招積』就冇張建聲，呢個角色係我人生之中好大嘅轉變；第一季用咗兩個月時間去準備呢個角色，第二季要拍60集，呢年係停工停產，導演叫我博一鋪，因為我由35歲拍，到而家都4字頭，喺中間過程，我要增肥再變瘦，都3次，我嘅身體機能係差咗好多，但冇辦法，因為第一季同第二季嘅時空係連住，我要變番6年前個樣，我唔可以變咗『招積佬』㗎嘛，所以今次難度係，我嘅外觀上唔可以有太大嘅出入。」
此外，陳瀅獲邀參演，她直言期待已久，「我好鍾意『招積』呢個角色，如果有份拍就超級好，所以我而家好興奮。我喺劇中飾演日本華僑，準備學多啲日文；（同邊個對手？）我知係山聰，但其他嘢就未知，佢哋好保密；（聖誕節開工？）我會返溫哥華過聖誕節，探吓屋企人，過埋聖誕先開工。」
採訪：黃曉妍
攝影：馬駿傑
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】