官恩娜女封閉式跟男教練學體操 有憂慮查詢反被校方寸：驚唔好學囉

現年44歲的官恩娜（Ella）自2015年嫁中法混血醫生男友Juan-Domingo Maurellet，先後誕下一子一女後，淡出幕前專心相夫教子。直到最近小朋友逐漸成長，官恩娜開始積極經營社交平台，不時分享周遊列國靚相，唔少網民都仍然好關注佢。今日佢就分享一則兒童性侵犯新聞，提到自己早前帶囡囡去學體操嘅經歷。

同場加映： 馮德倫大讚Meme伯尷尬笑好過癮 自爆財政全權由老婆舒淇揸fit

{{hket:ul-video id="9523"}}{{/hket:ul-video}}

Ella分享咗一則新聞，內容提到香港一名「義務導師」出獄後再次犯下性侵兒童罪行，令Ella有感而發：「每次見到呢啲新聞都好難受！我們有需要好好保護兒童！」佢提到自己早前帶5歲囡囡Aurélie去學體操嘅不愉快經歷，留言：「我個女之前學體操，係一個男教練，所有小朋友都要着好似泳衣嘅體操服，班裏面面全部都係三至五歲嘅細路女，上課嘅時候家長唔可以入去亦睇唔到裏面嘅情況，只係有一個男教練喺裏面。」

{{hket:inline-image name="349456986_1280412466194397_5822794666065451892_n.jpg"}}{{/hket:inline-image}}

緊張子女都人家長之常情，不過當Ella向校方查詢時卻不得要領，對方嘅回應仲似乎唔係太禮貌：「我打電話詢問教室裏面有冇閉路電視，聽我電話嗰個女人話我太緊張，一定唔會有呢啲事發生，話我神經過敏。想問呢啲事發生之前有冇人會預知呢？做媽媽保護好自己嘅小朋友
就係神經過敏？」最後Ella確認課室裏面係冇閉路電視：「但係嗰個女人都堅持我係太擔心同神經過敏，拋低一句：『咁驚唔好學囉』」

Ella表示所有受害人嘅父母送小朋友去補習社或者興趣班都唔會諗到有不幸事情發生，又指如果受害人嘅父母打電話去詢問有冇閉路電視可能得到一樣嘅答案，不過佢強調自己唔係話個個男老師有問題，唔係想散播恐慌，只係唔希望有不幸事發生：「我只係想話畀大家聽，呢啲不幸嘅事情成日都發生！點解大家唔可以提高啲Awareness？（警覺性）避免任何一個小朋友受到傷害，因為一個都嫌多！」

圖片來源：Instagram