叠影狙擊丨性感女神周秀娜泳池開工 黃宗澤竟然好失望：包到冚

由黃宗澤（Bosco）、周秀娜主演的無綫台慶劇《叠影狙擊》，已在周一首播。拍攝時，正值疫情，劇組選址在酒店取景，取代新加坡的情節。在拍攝一場泳池戲時，Bosco深感期待，本想欣賞娜姐水著的性感打扮，可惜最後失望而回。

同場加映：

中年好聲音｜曹敏寶事業愛情兩失陷情緒病低谷 靠老友走出陰霾：放下執念好重要

{{hket:ul-video id="9516"}}{{/hket:ul-video}}

{{hket:inline-image name="8.JPG"}}{{/hket:inline-image}}

{{hket:inline-image name="11.jpg"}}{{/hket:inline-image}}

Bosco笑指拍攝這場戲份，真的滿是幻想，他笑說：「本來以為喺酒店泳池旁拍攝，會被三點式美女圍住，點知原來被追殺，演槍戰戲要周圍跑！劇情指呢度係新加坡，但疫情我哋留咗喺香港嘅酒店拍攝，所以我喺戲中作為遊客，特警嘅事就唔使我做，好舒服，只係負責監視，辛苦晒娜姐同壞人搏鬥。應該由娜姐三點式上陣做卧底，我諗觀眾都想睇，點知佢今日裝備十足，包到冚！淨係見到對眼睛，留番下一次，大家期待吓啦！」

叠影狙擊︳周秀娜黃宗澤三度合作CP感強勁 內地早已播完 網友：咁都台慶劇？【下一頁】

回想另一場面與娜姐在中環拍攝槍戰戲，穿梭鬧市取景，人多車多，非常難忘，Bosco說：「嘩！好大陣仗呀，封咗條街，牽涉嘅人又多車又多，又要跑又要開槍，仲要落雨，台前幕後合作趕拍完成。唯一可惜，冇時間畀娜姐shopping！」二人特別多對手戲，因為Bosco與「兩位」周秀娜合作，他說：「我演香港嘅高級督察，為咗查案飛到去新加坡，發現更多黑幕。突然女朋友無端端死咗，一直唔知死因，要好後嘅劇情我先知道真相。期間遇到娜姐，佢係死咗嘅女朋友嘅孖生姐妹......劇情發展撲朔迷離，我哋去調查，揭開真相。」

撰文：娛樂組

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】