楊思琦3歲仔着畢業袍爸爸冇影 五官精緻被網民讚似一位男星

現年44歲的楊思琦先後誕下一女一仔，而小朋友嘅生父一直都未曾出現喺人前，唔少人都對此非常好奇。近年思琦已鮮有參與香港幕前演出，轉戰內地市場，不過思琦都keep住人氣，頻繁更新社交平台。日前佢細仔第一次着上畢業袍，思琦同網民分享喜悅，唔少內地網民都話囝囝同一位香港男星好似樣。

同場加映： 中年好聲音｜曹敏寶事業愛情兩失陷情緒病低谷 靠老友走出陰霾：放下執念好重要

{{hket:ul-video id="9516"}}{{/hket:ul-video}}

楊思琦2020年突然宣布已婚並誕下一子Koby，唔經唔覺囝囝已經3歲，日前首次披上畢業袍K1「畢業」，思琦抱住囝囝自拍，又攬又錫，非常肉緊。由於楊思琦老公不曾現身，唔少網民都好好奇楊思琦老公真面目，大家都金睛火眼睇見唔見到Koby爸爸，不過始終都係冇影。

{{hket:inline-image name="15.JPG"}}{{/hket:inline-image}}

思琦近來變成「晒子狂魔」，唔少網民都大讚Koby可愛靚仔，眼大大五官精緻，有人話覺得佢似媽媽，不過竟然有人覺得佢同洪天明撞樣。其實似唔似就好主觀，不過客觀睇就都係眼大大同面尖尖，都係標準靚仔樣，睇嚟大個都有機會做星二代入行呀！

楊思琦11歲大女兒楊卓穎同3歲細仔生父真正身分皆未明，有指大女生父係前緋聞男友、前內地跳水運動員吳帥，有傳當時思琦為對方未婚有孕，兩人分手後思琦成為未婚媽媽。另外，思琦表示3歲多細仔Kody生父係圈外人，對方想低調，至今從未公開過，更被人質疑佢老公係「虛擬」人物，身分極之神秘。