《東張西望》主持區永權（Albert），早前與蕭正楠及音樂人伍仲衡開演唱會的他，其實是歌手出身，是樂隊「星盒子」成員之一。日前區永權接受商台《星光背後》訪問，大談樂壇的曲折經歷以及仔女經。
同場加映：羅密歐與祝英台丨鄺潔楹善忘悲傷喊戲搵人求教 望突破限制做「細細粒」女主角
現年50歲的區永權讀理工大學組樂隊，結識了林一峰等音樂人，畢業後當了一年社工，1999年獲滾石唱片簽約到台灣組成「星盒子」出道，原來當時家人極力反對，區永權說：「當時星盒子有三個人，我、徐繼宗同陳鳳，本來仲有林一峰。當時要說服我媽，佢養到我咁大諗住我終於可以畀家用，點知我就走咗。我同阿媽講，人生咩都可以出現，但遺憾兩個字唔可以出現，如果我唔去嘅就會遺憾，我媽畀我呢番說話感動。」不過星盒子推出了一張專輯後，林一峰便以個人原因離隊，「我當時真係好嬲，覺得佢丟低我哋！當時我哋放棄香港所有嘢過到台灣重新開始，我哋唔明但惟有尊重佢嘅決定。」其後，四變三人的星盒子於99年推出首張專輯，但適逢台灣發生921大地震，令宣傳及銷量受到打擊，發展三年未如人意，只推出過兩張專輯，便於2002年解散。
區永權返港加入無綫擔任娛樂新聞主播，09年獨家訪問張栢芝回應不雅照事件而為熟識，轉型主持後至今。但他的音樂夢不死，除了開騷，最近更自資推出24年來首支個人單曲《把稿當歌》，以圓歌手夢。
提到家庭，區永權09年與圈外太太Clara結婚後，育有兩名兒子，但細仔Ambrose約18個月大時，被證實患上嚴重自閉症，令區永權夫婦飽受煎熬，「專家話小朋友18個月大仲未講嘢就要留意吓，嗰陣唔係好為意，細仔性格很開朗，但成日活響自己世界，唔同人有眼神交流。到我帶細仔檢查，證實患上自閉症，太太即刻買咗本書睇，我一路揸車，佢一邊讀書嘅內容一邊喊，呢一程車我好難忘，當時好心痛。」
及後，二人收起傷心，為了兒子而積極面對，四方搜尋醫治方法，「當時逢星期一至五，上午返幼稚園，下午接受治療，持續咗好幾年。」經過多年治療後，細仔情況有很大改善，現已12歲，跟普通小朋友無異。「想話畀其他家長知，唔係咩世界未日，同埋唔好先去否定，好多家長會覺得小朋友冇問題，防礙咗佢哋及早治療嘅時機。」
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目
撰文：梁嘉殷
圖片來源：截圖、區永權FB
↓↓↓同步更新、更快更順↓↓
【免費下載】