JW王灝兒不離不棄「落難」男友嫁杏有期？ 星級婚禮賓客猛料何猷君做兄弟

現年33歲嘅王灝兒（JW）與富貴男友葉韋彤（Tarzan）相戀約5年，不過二人一直都未有聲氣要拉埋天窗，早前Tarzan屋企被申請破產，更傳出二人情變。不過日前佢同老友一同為好友婚禮擔任兄弟姊妹，JW仲喺婚禮上接到花球，睇嚟好快會有好消息！

同場加映：麥明詩認愛盛勁為邊個追邊個？ 男友識做「滲入」未來外母社交平

{{hket:ul-video id="9475"}}{{/hket:ul-video}}

JW同男友Tarzan一同為一對新人擔任兄弟姊妹團，而一對新人人面都非常廣，除咗佢哋之外，仲有已故賭王細仔何猷君擔任兄弟；周柏豪、Dear Jane成員同洪永城夫婦，相信一對新人非富則貴。JW更加喺席間獻唱《你的名字我的姓氏》贈慶，非常夠老友，而佢更非常好彩咁接到新娘花球，相傳接到花球就會成為下一位出嫁新娘，而佢都非常甜蜜咁表受呢個祝福，同男友齊齊上台合照，相信都唔使等幾耐。

{{hket:inline-image name="102.JPG"}}{{/hket:inline-image}}

早前JW男友父親葉俊亨上月遭頒令破產，公司正式清盤。高等法院隨後宣布鍾佩雲（Tarzan母親）及兒子葉韋彤無力償還債務，依例頒令二人正式破產。身家逾12億Tarzan本身係愛車之人，擁有法拉利，保時捷及Benz越野車等等，在拍拖初期因被傳媒拍下駕著價值400萬的麥拿倫超跑接JW而令戀情曝光。JW早已融入男方家中，不時陪男友出入馬場，為男友家族愛駒打氣，又陪男友家人出席慈善活動，兩人經常邀請好友到豪宅中作客。

JW曾經於訪問上早已認定了Tarzan：「我哋兩個嘅歲數都差唔多，我諗結婚都唔會係一件太遠嘅事嚟嘅，因為身邊人真係問得太多啦！你願意同一個人拍拖，其實你都等於希望大家嘅結局係可以走到最尾，所以願意花咁多時間同一個人拍拖，當然係要好肯定先得。而且追求我嘅人，我都會要求佢好正式咁向我示愛，我先會同佢一齊，而當年佢都做得到。」然而JW嘅Iifestyle都係「可加可減」，因為佢除咗出入馬場，亦強調自己餐餐食茶記都得。Tarzan屋企破產之後JW同佢都仍然經常一齊出席朋友聚會，力證情未變。

圖片來源：Instagram