TVB處境劇《愛回家之開心速遞》中的「英進」招浩明，將於11月11日迎娶圈外女友Sophia，早前已經過大禮。即將成為人夫的招浩明，近日貼出與未婚妻在尼泊爾加德滿都影的婚紗照片。原來，這個地方對二人來說特別有意義，有定情的意義，所以決定舊地重遊。
同場加映：羅密歐與祝英台丨鄺潔楹善忘悲傷喊戲搵人求教 望突破限制做「細細粒」女主角
二人都對尼泊爾特別有情意結，在他們各自的社交平台內，見到他們不止一次到訪這個地方，又影了不少靚相。而他們其中一輯婚紗相，正是在這個地方取景拍攝。其中一張更似足吳宇森大導演風格，拍戲時都必定要放白鴿，令畫面更豐富、壯麗。在尼泊爾到處容易可見到白鴿，相信他們不難找到地方拍攝。
加德滿都可算是二人的定情地方，招浩明透露8年前因尼泊爾這個地方成為兩人首次見面的話題，沒有萬家燈火繁華的地方，記載了二人各自的故事，互相分享著大家心中的尼泊爾，促成這段感情，他在IG留言說：「當年身穿義工制服的我和港龍制服的你，從沒想過下一次重遊舊地的時候，會帶著這件白色婚紗和黑色西裝，與相願伴老的這個人手牽著手的，訴說著當年眼前這一切曾為你、為我留下了那些年輕又美好的回憶。」
《愛回家》英進丨招浩明11月11日與圈外女友結婚 喜帖曝光「冬甩」Romeo搶晒鏡【下一頁】
兩公婆都有相同的喜好，熱愛做義工。他們交往前，曾各自到當地做探訪。未婚妻Sophia就覺得在緣分奧妙牽引下把二人湊在一起，「呢個喺尼泊爾最大的佛教寺廟Boudhanath，係其中一個我哋各自去過嘅地方，估唔到今日可以喺同一時空下一齊重返舊地，然後終於可以Confirm我哋真係講緊同一個廟。」
招浩明及未婚妻Sophia接受《晴報》電話訪問，他解釋說：「其實我哋唔係尼泊爾認識，反而今次係第一次一齊去尼泊爾，但呢個地方就係促成我哋拍拖嘅關鍵。入行前我做空少成日都飛加德滿都，去過好多唔同地方，而未婚妻Sophia就因為2015年大地震之後，佢裸辭佢當地做義工賑災。之後喺一次朋友聚會認識對方，點知講起尼泊爾呢個地方，令我哋好多共同話題，慢慢就建立咗一個關係，拍拖直至到而家結婚。」
寵愛Pet Pet︳招浩明演渣男被摑冇心理包袱 慘遭惡搞維基頭像竟然換成佢？【下一頁】
招浩明續言：「點解今次去尼泊爾影婚紗相呢？因為我哋成日傾開尼泊爾嘅記憶，但都冇同一時間去過，所以大家都有呢個意念想一齊試吓去，咁樣一齊去影婚紗相就特別有意義。」
Sophia透露今次拍攝除了在不同景點取景外，更帶同攝影師、化妝師等一齊花三日時間徒步上山拍攝，「Annapurna呢個山有海拔4130米咁高，所以難免會出現高山反應，例如頭痛同呼吸困難咁，好彩事前都準備充足有食藥，加上平時做開運動，都應付得到。」她表示帶備婚紗禮服上山，但一切都以輕便為主，就算婚紗同化妝品都是盡量應少則少。問到度蜜月會否再飛尼泊爾？Sophia說：「呢排工作同籌備婚禮都好忙，度蜜月都未得閒計劃，可能最快都明年有空檔時間先計劃，爭住先啦！（生小朋友再一齊去尼泊爾？）我哋覺得小朋友除咗書本上知識，帶佢哋睇多啲世界都係好事，而且我同浩明都好鍾意尼泊爾呢個地方，因為好純真、純樸同文化特色，將來有機會都會帶家人再去。」
撰文：娛樂組
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】