羅密歐與祝英台｜黃耀煌馬俊傑撞樣兄弟演賞金獵人《愛回家》張龍留鬚做惡人專業戶？

無綫台慶劇《羅密歐與祝英台》近日一集提到程浩駿飾演的胡一冠因殺人被通緝，老闆娘( 蔣祖曼 飾 )為了保護手足親自與賞金獵人交涉，可惜不果。黃耀煌及馬俊傑在劇中飾演賞金獵人，兩人一直被指「撞樣」，如今兩「兄弟」再度同場演出，令觀眾感驚喜。

同場加映：麥明詩認愛盛勁為邊個追邊個？ 男友識做「滲入」未來外母社交平台

{{hket:ul-video id="9475"}}{{/hket:ul-video}}

黃耀煌在IG po出劇中造型照，留言：「我真的好想有機會留鬍鬚拍一整套戲 #羅密歐與祝英台 #賞金獵人 #老王」。今次造型成熟兼帶點滄桑，與《愛回家之開心速遞》中的張龍形象完全不同。黃耀煌接受《晴報》訪問，指有網友見到兩人同場好驚喜：「幾個fans都話喺《愛回家》見唔到我哋，但喺其他劇見到好開心。不過試造型嘅時候未見過，喺開工嗰日先見到。」

提到今次留鬚有新形象，耀煌指自己是留真鬚，「我用咗一星期去留，導演話做槍手可以試吓留鬚，望落去冇咁善良同冇咁乾淨。我一路都想試吓留鬚，唔使成日剃。（做惡人專業戶？）如果做到惡人專業戶都好，起碼有監製、導演記得。」

{{hket:inline-image name="9789.jpeg"}}{{/hket:inline-image}}

{{hket:inline-image name="08796.jpeg"}}{{/hket:inline-image}}

黃耀煌及馬俊傑不時都被指似樣，其實早在《愛回家》情節中，兩人已大玩cross-over《雙生陌生人》，劇中張龍（黃耀煌飾）為了阻止女友Rebecca（沈可欣飾）和前度鐵面陳（王致狄飾）有互動，不惜跟袁球老師（馬俊傑飾）交換身分。當中兩人難得同時出現，令網友驚嘆兩人相似度甚高。

馬俊傑曾接受《晴報》訪問，指曾有朋友認錯他與耀煌：「試過有一次最誇張，朋友同我講睇劇見到我，仲讚我拍得幾好喎，點知一講個劇名，我就話我完全冇演過呢套劇，返去睇番先知原來係耀煌嚟嘅！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：TVB