鄧小巧泳兒玩暗黑二選一 「平胸V.S.大胸粗腰」佢哋點揀？

由鄧小巧主理的網上歌唱節目《Singaholic》來到第三集，請來泳兒（Vincy）任嘉賓，二人除了互唱對方的歌，傾偈時更笑料不斷。 節目開始，小巧乖巧地向Vincy問好：「師姐你好。」Vincy聞言「師姐」二字即大笑：「喂，好怪呀呢件事。」

同場加映：羅密歐與祝英台丨鄺潔楹善忘悲傷喊戲搵人求教 望突破限制做「細細粒」女主角

{{hket:ul-video id="9463"}}{{/hket:ul-video}}

{{hket:inline-image name="_DSC4336.jpg"}}{{/hket:inline-image}}

{{hket:inline-image name="_DSC4070.jpg"}}{{/hket:inline-image}}

小巧解說自己是最新加入公司的藝人，她說：「所以叫每一個人都係師兄師姐。」泳兒跟小巧是公認的實力唱將，不過Vincy坦言從沒想過當歌手，只是一直很喜歡唱歌：「我覺得參加歌唱比賽，然後佢遞份約俾你，嗰份約一定係有欺詐！所以覺得係冇咁容易。」小巧則相反，從小就幻想當歌手，更因孫燕姿而入行。她說：「好記得佢個《綠光演唱會》，我睇video咋，覺得點解呢個人做歌手做得咁瀟灑嘅？佢有別於當時歌手嘅感覺，我覺得自己好想好似佢咁樣。」

{{hket:inline-image name="_DSC3974.jpg"}}{{/hket:inline-image}}

小巧分享做歌手後，在活動上見到孫燕姿的經歷，「當時準備出我第二隻EP，我真係好想好想有機會見到佢，將隻唱片交畀佢，好想同佢表達，我因為佢而咁希望成為一個歌手。跟住我見到佢，我係咁樣：『我嗚嗚……』完全講唔到嘢。由於孫燕姿已經係天后，佢見到我呢啲咁嘅瘋癲嘅歌迷，佢好冷靜。同埋佢當時係身懷六甲，但我就係好激動。」除了孫燕姿，小巧還有一次跟林宥嘉同場的經歷：「有一次見到林宥嘉喺backdrop影相，佢話『hi你好』，我就話『你好』，接住我就話『四年前我看你演唱會的時候，我還沒結婚，我現在就結婚了』。然後佢望住我，呆咗…我心諗鄧小巧唔好丟架啦！」

{{hket:inline-image name="_DSC4012.jpg"}}{{/hket:inline-image}}

然後到Vincy自爆：「有一次發生咗一件好唔開心嘅事，喊到我覺得靈魂都飛走咗。然後我揸車去錄音，錄完音返屋企，瞓醒第二朝想攞車，發覺架車唔見咗！我第一下好嬲，即刻想打去管理處鬧，但突然間諗起架車泊咗喺錄音室附近，我嗰晚走嘅時候係call車走，我完全唔記得咗…但我以為架車被人偷咗，哈哈。」

節目尾聲還有彩蛋，二人玩「暗黑二選一」，問到選「平胸」還是「大胸粗腰」，Vincy第一時間答：「平胸！」聽到Vincy的答案，小巧立即瞪大雙眼說：「你有梗係咁講啦你。」這時Vincy已經笑到癲，望着小巧心口，小巧續說：「當你有大胸嘅時候，粗腰係nothing！但當你冇胸但係又粗腰呢，咁就something啦。我一定係揀波波。」

撰文：娛樂組

圖片來源：大會提供